اهانه ......مذله .........ضعف..............مش لاقي وصف ليها ولا عنوان

[THUNDDER]

بسم الله الرحمن الرحيم




فى موضوع بقالى مدة بسيطه يعنى موش من زمان فى دماغى
ودماغى كتير بتفكر فيه لانه بقى يعتبر عادى
او انتشر او موش عارف
المهم
الضرب
يعنى لو حد موش قادر تتفاهم معاه تروح تتشطر او تجرى تضرب
لو واحد مش عارف يتفاهم مع مراته يروح يضربها
انت موش تعرف انك كدة بتهينو او بتهنها
انت مش تعرف انك كدة بتكسر قلبه وقلبها
بتكسر كرامته او كرامتها
يعنى مثلا الا لحظته كتير اوى فى الفترة الاخيرة
ان زوجات كتير بتشتكى من ازواجها من معاملتهم
يضرب ويبقى عنيف فى اسلوبه وفى كلامه
طيب ازاى دا الزواج اساسه مودة ورحمه انتوا راحه لبعض
ينفع تضربها ينفع تهنها
اة الضرب اهانه اهانه ليها وكرامتها
تة تاضرب مذله
هتقبل ان اختك جوزها والا خطبها يضربها ................( حتى لو غلطانه ) ؟
هتقبل ان اختك بنتك تيجى معيطه ان جوزها ضربها لاء بهدلها ؟
هتقبل ؟
هيبقى شكلك ايه هيبقى احساسك ايه وانت شايفها متهانه وضايع كرامتها ؟
فى ازواج بقى بتقولك ايه اة الرسول حث على ضرب النساء
فين
فين الكلام دا
هو لما يبقى يضرب بسواك ولسبب يبقى خلاص حث على ضرب النساء
هو انت زى رسول الله والا النساء زى نساء النبى
هو زمان زى دلوقتى
هى النساء والرجال زى زمان ؟
البنت او الست كمان عليها حق هو انتى لما هانك مرة موش خدتى موقف ليه ؟
سكتى ليه ؟
اولاد ؟
حب ؟
ظروف ؟
لا حياة بدون كرامه ؟
الشيخ فرخات واحدة بتسالوا اعمل ايه بعد ضربه ليا وحرق ووووووووو..................؟
قالها انتى لسه بتسالى ؟
قالتله الاولاد وهو بيصالحنى ؟
قالها يخرب بيت الاولاد انتى جبانه
اة جبانه فين حقك فين كرامتك

وانت كمان ازاى تضرب ام اولادك ؟
ازاى تقبل انك تهنها ؟
ازاى تقبل انها تنام زعلانه ؟
قلبك ايه موش دى حبيبتك ؟
موش دى الا حلمت معاها بحياتك فجاة كدة كله يروح ؟
هتحس بايه لو هى اهانتك ؟هتحس بايه ؟
عيب يا جماعه مش كل شويه تلاقى واحدة رايحه بيت والدها عشان جوزها ضربها
والا تلاقى واحد برة بيته بالكم يوم عشان ضرب مراته
فى ايه فين الرحمه فين المودة

طولت بس الموضوع كان خنقنى جدا لما القي كل شويه حد بيتصل باحد الشيوخ ويقول ضربنى اهانى
اةةةةةةةةةةةةةة الضرب اهانه واهانه لا تغتفر كمان
عاوزة اسمع رايكم
والولاد قبل البنات والبنات بردو
ممكن تضرب مراتك ؟
ممكن تهنها ؟
لو مقدرتش تتفاهم معاها هتعمل ايه ؟
وانتى !!!!!!!!!!!!!!!!!!!!!
ممكن تقبلى ان جوزك يضربك ؟
ولو ضربك هتعملى ايه ؟
ممكن تصبرى عشان اولاد او حب ؟
والا هتاخدى موقف ؟
وايه هو ؟
رايكم يهمنى جدا جدا جدا فى الموضوع دا

[ahmed_mo]

ربنا يحميك لشبابك
الموضوع عاوز نظرة فيها تفصيل شوية
الله يخربتك هتخرب بيوت الناس انت بتسخن الزوجين على بعض

[THUNDDER]

مااااشي ياااعم احمد
بس شكراا علي مرورك
الموضوع نور
شكراااا

[اسيرة الاشواق]

:thumb:مشكور يا ساندر على التوبيك المهم
انا فى راية ان الضرب دة وسيلة غير ادمية بالمرة
يعنى انت زكرت فى التوبيك ان الزوج لو معرفش يتفاهم مع زوجتة بيضربها
يعنى عجز انة يتكلم ودة معناة ان هو الى غلطان
وطبعا مش حد يقبل على نفسة ان كرامتة تتهان والا تقول ولاد والا مش ولاد
وبصراحة لو حصلت معايا قبل ما اسيبلة البيت يعنى
زى ما ضربنى هضربة :039:
طولت عليك انا عارفة
بس المفروض الاحترام وحفظ الكرامة بين اى اتنين هما اهم حاجة :thumb:

[ايناس]

بصراحه موضوع مهم جدا وفعلا بقي منتشر جدا اليومين دول

وبصراحه اهم حاجه بين الزوجين ولازم يكون بينهم من اول يوم "الاحتراااااااااااااااااااااااام"

اهم من الحب والموده والحنيه وكل حاجه لوهي بتحترم جوزها عمرها ما هتعمل حاجه تزعله او تضايقه او توصله لمرحله انه يتنرفز عليها ويضربها

ولو هو بيحترمها عمره ما هيقبل انه يمد ايده عليها او يهنها

وبعدين الشباب الايام دي مستهترين مش كلهم بس اغلبهم ومحدش بيشيل مسؤليه فيحس انه عليه حمل وعبء كبير فأقل حاجه بتنرفزة واسهل رد بيكون الضرب او الشتيمه

ومش ينفع طبعا ان واحده تقبل علي نفسها انها تتضرب بس هقلك حاجه البنات عامه بطبيعتهم بيستحملوا ودايما بيحافظوا علي بيتهم وولادهم مش بيحبوا يخربوا بيتهم بايديهم يعني

بس مش معني كدا انهم يتنازلوا عن حقهم ويسكتوا انا بقول انهم ياخدوا موقف بحيث ان الزوج مش يكرر الموقف دا تاني وكل واحده ادري بجوزها وبالطريقه اللي مش تخليه يعمل كدا تاني

ربنا يهدي الجميع

وشكرا علي طرحك الموضوع لاني كان نفسي نتناقش فيه مش الضرب والاهانه وبس لا اللي المشاكل اللي بتوصل للضرب

يعني دلوقتي بسمع من كل اصحابي بلا استثناااء ان كل يوم مشاكل وخناقات كل يوم كل يوم وبتبقي حاجات تافهه جدا وبتكبر بدون داعي وبتعمل مشكله كبيره جدا ومفيش حد بيتنازل وكله بيصعد الامور طيب يعني هما بيتجوزا عشان يتخانقوا ولا ايه المفروض اني بسمع ان الجواز دا استقرار وحياه جديده ولا دا كان زمان وبس ؟؟؟؟؟؟

[WebCraker]

التفاهم ثم التفاهم ثم التفاهم ثم التأديب . . .

أنا شايف كدا يعنى باختصار والزوج له حق التأديب

تأديب آه واخدين بالكوا م الكلمة تأديب مش يرميها م الشباك مثلا يعنى ويقول دا ما بتمسعشى الكلام !!

وماتبقاش فى نفس اللوقت خناقة برضوا لرب السما ويفرجوا الجيران دا ما يبقاش تصرف حضارى خالص

على العموم انا بنصح كل راجل متزوج أنه لا يلجأ إلى التأديب إلى فى حالات لم يجدى فيها التفاهم مرارا

وطبعا لازم تكون الحالة دى تقتضى ذلك ويكون فى نفس اللوقت رحيم . . ما يعملش زى اللى رزع مراته علقه وداها المستشفى يوم الدُحلة

وبنصح كل زوجة ان لو زوجها ضربها يعنى ما يكونش منها رد فعل سىء ولا صوتها يعنى ولا تحاول ترد الضرب غير انها تعاتبه بعد ما يهدى

بمعنى أصح يعنى تدلع شوية ,, الست من دول ممكن تخلى جوزها دا يمشى ع العجين ما يلخبطوش والله

وفى كل الأمور طالما ان الزوج والزوجة متفاهمين فلا داعى ان يتدخل احد بينهم او انهم يدخلوا حد بينهم

يعنى مثلا الزوجة مش كل ما جوزها يقولها بم تقوم لامه الشنطة وعلى بيت ماما

ولو عملت كدا ياسيدى روح صالحها وبوس راسها وجعها على البيت

واما تروح اديها علقة سخنه محترمه عشان ما تكررهاش .. بهزر طبعا ولا علقة ولا حاجه مفيش احلى من التفاهم

ده كان رأيى الشخصى حاليا




وتعليقا على الرد السابق أضيف

بس هقلك حاجه البنات عامه بطبيعتهم بيستحملوا ودايما بيحافظوا علي بيتهم وولادهم مش بيحبوا يخربوا بيتهم بايديهم يعني أيوة كلامك مظبوط حتى ان ربنا سبحانه وتعالى عندنا خلق حواء خلقها من ضلع اعوج من آدم وهو نائم ولذلك حكم كثيرة
اولا لماذ وهو نائم .. لأنه الرجل عندما يتألم يكره ,,, بينما العكس عند المرأة فهى يغلب عليها العاطفة والحب
لذلك فالمرأة جاءت لتحمى القلب كما قلت فالعاطفة تتحكم فيها أكثر ,,
وأيضا ليس قول ان المرأة خلقت من ضلع اعوج هذا بشىء تخجل منه المرأة بل العكس فلولا الضلع الاعوج هذا لكانت أى صدمة فى هذا المكان المحيط بالقلب سببت نزيف للقب وقتلت الانسان بسببها



بس مش معني كدا انهم يتنازلوا عن حقهم ويسكتوا انا بقول انهم ياخدوا موقف بحيث ان الزوج مش يكرر الموقف دا تاني وكل واحده ادري بجوزها وبالطريقه اللي مش تخليه يعمل كدا تاني أيوة انا اما قلت ان الست يعنى تدلع جوزها ما قصدتش انه يهينها ويزلها ويضرب بكرامتها عرض الحائط
لأ طبعا ... لو ان هذا الزوج مستهتر ومش شايف غير كرامته وكرامة زوجته لأ فى الحالة دى لازم يبقى فيه تصرف تانى
وان الزوجة تطلب من اهلها يتدخلوا ويشوفوا ايه الحل .. يعنى يقدروا يعيشوا مع بعض ويكملوا بنفس الطريقه وده مظنش انه يبقى كويس او ان الزوج يحاول يغير من معاملته ليها او بنفصلوا بهدوء يعنى يفكروا ايه الانسب ويعملوه

انا مش عاوز اعمل مشاكل ياخوانا ما تاخدوش على كلامى . . . :)

[اسيرة الاشواق]

نو كوووووووووووومنت
هقول كلمة واحدة
الرجالة كلهم اطفاااااااااااااااال
عايزين معاملة الاظفال مش اكتر
:18: :18: :18:

[محمد إبراهيم]

انا في حته صغنونة عايز أعلق عليها


هيا اني اعتقد ان ما فيش حاجة اسمها كرامة بين الزوجين ..... محدش يفهم كلامي غلط








أنا أقصد ان حتى لو الزوج ضرب زوجته المفروض ما تشتكيش لحد








وتفضل تقول كرامتى و و و و










أعتقد انها لازم تحل الموضوع معاه ودي