من اطلق الصواريخ على اسرائيل

[Muhamed]

سؤال مضحك سمعته من مذيعه قناه الفطيره لممثل الجبهه الشعبيه لتحرير فلسطين

ورد لا هوا نافى ولا هوا مؤكد للحدث بكون الجبهه الشعبيه هيا من اطلقت

فلقد اطلقت 5 صواريخ من جنوب لبنان على شمال اسرائيل ادت الى اصابه 4 اشخاص وتعطل الحياه اليوميه فى جنوب اسرائيل

وكان رد اسرائيل باطلاق بعض القذائف على اماكن اطلاق الصواريخ


نفى مشترك من حزب الله بانه من اطلق ونفى اسرائيلى مشبوه ان يكون حزب الله هوا من اطلق يطرح شؤال حول سبب هذا النفى المتبادل

خصوصا مع الاستماع الى الخطب الثوريه القادمه من هناك

جاءت تلك الصواريخ بعد ساعات من المبارده المصريه ( الخونه ) لوقف عاجل لاطلاق النار وطرح المساله على طاوله المفاوضات

البعض اتهم مصر بان المبادره اطلقت بعد ما زادت الخسائر الاسرائليله ولتجميل الانسحاب الاسرائيلى ( مهى مصر بلد صهيونى)

المهم اكثر الردود اضحاكا كان مجدى عاكف مرشد الاخوان الذى رفض المبارده وعند سؤاله اتعرف بنودها قال لا اعرفها ولكن يكفى ان امريكا موافقه عليها وتضغط على اسرائيل لقبولها

مبدأيا وبواسطه مصريه هناك مبادره صغيره على وقف الحرب 3 ساعات يوميا من جانب الجيش الاسرائيلى وحماس ستتوقف عن اطلاق الصواريخ فى تلك الفتره


بالنسبه للمبادره المصريه فحماس رفضت نقطه واحده فيها وهى وجود قوات دوليه

وان كانت متقبله للباقى ولم تعلن موقفها حتى الان تجاه المبادره ككل اذ ان اخر تصريح لحماس كان بدراسه المبادره وموافقه مبدأيه على بعض بنودها

[lewo nardo rewo]

شكرا اخي ماندوززز

لكن ...

فلقد اطلقت 5 صواريخ من جنوب لبنان على شمال اسرائيل ادت الى اصابه 4 اشخاص

5 صواريخ اصابت 4 اشخاص بس ، و اسرائيل صاروخ واحد يصيب فوق الـ100 شخص

[Muhamed]

صواريخ المقاومه هيا صواريخ معنويه وليست ماديه

بمعنى ان خسائرها ليست بقدر ما تقتل او تصيب وانما بارهاب سكان الصهاينه

وقد تسفر عن بعض الخسائر

الصورايخ الاسرائيليه هيا صواريخ جيوش وليس مقاومه

لهذا تتسمع ان قصف اسرائيلى واحد يوقع عشرات الشهداء

بينما قصه المقاومه يوقع خسائر نفسيه فى قلب المجتمع الصهيونى

[فجر الاسلام]

بالنسبه للمبادره المصريه فحماس رفضت نقطه واحده فيها وهى وجود قوات دوليه

انا سمعت على قناة الحقيرة ان المبادرة مفيهاش قوات دولية لما استضافو واحد من مصر بس مش فاكرة اسمه

لبعض اتهم مصر بان المبادره اطلقت بعد ما زادت الخسائر الاسرائليله ولتجميل الانسحاب الاسرائيلى ( مهى مصر بلد صهيونى)

اظن مهما كانت الخساير الاسرائيلية مش هتكون اكتر من خساير غزه

طب هقولك على هضحك الموضوع بتاع صحيفة هآرتس الاسرائيلية
ان مبارك قال لوفد اوروبى ان لازم حماس تطلع خسرانه من حرب غزه

يا حلولى لولا ان فى مصر سارعو ونفوا الخبر ده
صدقنى كنت هتلاقى كل العرب بلا استثناء مصدقين الخبر
يعنى هيصدقوا اسرائيل

عارف بجد لو كانوا صدقوا اسرائيل كنت هعتبر اى واحد صدق من العرب صهيونى

لانه صدق الصهاينة





الهجوم لمجرد الهجوم ناس مبتستريحش غير اما يهاجمو وخلاص

وهو يرفض او يوافق مش مهم اللى فى اداهم القبول والرفض اسرائيل وفلسطين

وبعدين قناة الحقيرة دى تاخد رايه ليه اساسا مش هيغير من حاجة اللى فى اداهم الموافقة او الرفض هم اطراف المبادرة


والله الاستاذ احمد المسلمانى الللى بيقدم الطبعة الاولى على قناة دريم2

لفت نظرى لانتقاد على قناة الحقيرة اللى رافعة شعار الرأى والرأى الاخر بيقول ان ده مش وقته الرأى و الرأى الاخر لازم تكون رأى واحد يعنى مترحش تجرى حوار مع ليفنى والمتحدث الرسمى باسم الجيش االاسرائيلى ويهود باراك

المفروض تتجاهلهم لانهم كمان بيطلقوا تصريحات ممكن تأثر على المقاومة

المفروض تكون راى واحد وهو غزة

[Muhamed]

فى حوار على الفطيره مع مستوطن صهيونى بعد احداث الصبح بتاعت الصورايخ

قالوله اسرائيل بتقتل اطفال فى غزه

رد وقال انتوا بتهيجوا الرأى العام جايببين نفس اللقطات كل مره وتكرروها على احداث مختلفه

والمراسل ميردش

كنت هكسر التلفزيون ساعتها

طب يا اخى مدام جبت واحد زيه وقال حاجه زى كده قله ان اخر احصائيه ان 215 طفل وامراه بين ال700 الضحايا حتى الان

بس لقيته بيتنقل لسؤال اخر

كانه يهمه انه يعمل حوار مش ينقله الوضع الصحيح


بالمناسبه نوبه الضحك مستمره خلال اليوم مع الاستماع الى بيانات الخوف والارتعاد من لبنان واحنا مضربناش ومينفعش حد يتحرك لوحده

حتى نصر الله كله اللى عرف يعمله كلام

شويه كلام

احنا جامدين

احنا نقدر نردع اسرائيل

ما حصل فى 2006 نزهه لما قد يحدث الان

وكلام كلام كلام

فين صواريخك يا عم الحج

نايمين مستنين لما اسرائيل تضرب الاول

طيب بعد كده يا عمو متغلطش فى بلاد تانيه مدام انته كده وقول للى بيتحكموا فيك لو عايزين حرب اتفضلوا ادينا مستنين نشوف الدوله الاسلاميه الوحيده فى المنطقه على حد رايه

[أحمد سلطان]

حبيب قلبى ..
من أطلق الصواريخ ..؟ ، واطلقها ليه ..؟ ، وكان يقصد مين ..؟
فى تصورى هذا تهميش للكارثة الكبرى وهى المحرقة الإسرائيلية للشعب الفلسطينى ..
القضية الرئيسية تكمن فى حرب إسرائيلية الغاشمة العاملة على إبادة - أو من تبقى - الشعب الفلسطينى ..

أما عن من أطلق الصورايخ فالسيناريوهات عديدة ..
قد تكون حماس أو جناخها العسكر كتائب الشهيد عز الدين القسام ..

، أو قد تكون صواريخ حزب الله وإن أنكر ممثل الحزب حسن نصر الله ذلك ..
وهذا لربما كان بسبب تجنب دخول لبنان الحرب فى الوقت الذى مازالت فيه تحاول إعادة بناء نفسه على أثر عدوان 2006 ..

السيناريو الثالث قد تراه غريباً نوعاً ما ..
فقد تكون القصه كلها عبارة عن آلية صهيونية جديدة لكسب المزيد من دعم المجتمع الدولى خاصه بعد قرار مجلس الأمن بوقف إطلاق النار ، والذى تجاهلته إسرائيل تماماً ..
وهذا ما أثبتته الأيام التالى فعلى الفور وبعد حادثة إطلاق الصواريخ وجدنا دعم الكونجرس الأمريكى لإسرائيل كدوله على مواصلة القتال بحجة انها كدوله من حقها الدفاع عن الإرهاب وتوفير الأمان لمواطنيها ..

وحسبنا الله ونعم الوكيل ..

دمتم بكل الخير دائماً ..؛