مصري يطعن نفسه بعد شهرين من الزواج غيظا من زوجته

[la princesse]

طعن زوج مصري نفسه بالسكين وأخرج أحشاءه غيظا من زوجته للتخلص من حياته بسبب مصروف المنزل، على الرغم من مرور شهرين فقط على زواجهما.
ونقلت صحيفة 'الأخبار' المصرية الثلاثاء أنه تم نقل الزوج وهو صاحب (نت كافيه) بين الحياة والموت في حالة خطرة إلى مستشفى بنها العام بمحافظة القليوبية شمال القاهرة، وطلبت النيابة استدعاء زوجته لسؤالها.
وكشفت التحقيقات أن المجني عليه دائم الشجار مع زوجته بسبب مصروف المنزل وأنه متزوج منذ شهرين فقط ودبت الخلافات بينه وبين زوجته على مصروف المنزل فاحضر سكينا وطعن نفسه فأخرج أحشاءه وسقط على الأرض غارقا في دمائه.
وأسرع الجيــران لنقله إلى المستشفى.

[فجر الاسلام]

هى للدرجادى هانت عليه نفسه
وبعدين يعنى متجوز بقاله شهرين
يعنى عركتين بس كل لما اول شهر جه

لا حول ولا قوة الا بالله

[Muhamed]

يعنى عركتين بس كل لما اول شهر جه


جبابره

بصوا انا ضد التصرف ( الحرام) والغبى منه بمحاوله الانتحار

لكن تعالوا ندرس السبب

انها المرأه ولا شئ سواها

دائما ابحث عن المرأه فى كل جريمه زى ماكانوا بيقولوا زمان

مش مستبعد انها تكون هيا اللى ضربته بالسكينه ومسكته السكينه علشان البصمات بتاعته تبقىعليها ويبقى هوا المنتحر

[سجدة قلب]

مش مستبعد انها تكون هيا اللى ضربته بالسكينه ومسكته السكينه
يمكن بس
وازاي يعني وانت بتقول أنها المرأة ولا شي سواها يعني عبارتين متناقضتين.
وبعدين يمكن نقول أه انها افترت عليه لما ذكر في التحقيق ...وأكيـــد طبعا التحقيق كان معاها.
أن المجني عليه دائم الشجار مع زوجته بسبب مصروف المنزل
ثم إن الحكايات دي عادت بتكتر كتيييير أوي ودا أقل حاجة بيعملوها

بصوا انا ضد التصرف ( الحرام) والغبى منه بمحاوله الانتحار
متفقين 100%
لكن احنا لو ادينـــا لنفسنا لحظة نعيش مع وضعه اللي خلاه ينتحر
هنلاقي إن من حقه كده .. احنا معرفناش أي تفاصيل علشان نقول انه غبي
يمكن فعلا مكنش فيه مصروفات بيت او الخلاف الناشب بينه وبين زوجته عير عادي


وطعن نفسه فأخرج أحشاءه
بصراحة يا ميرو
موقف صعب وتخيل صعب وإحساس أأصعب

ألف شكر لكـِ ميرو ع الخبر المؤلم.

[WebCraker]

انا بتفق مع ماندوز فى حتة انه تصرف غبى برضوا
طيب ليه يخبط نفسه بالسكينة
ما كان يخبطها هيا ويرتاح
المرة الجاية هيغير طريقة تفكيره أكيد

والله انا شايف انه زوجته ممكن تقدر اللى هوا فيه من اللى حصل وياريت تقف جمبه بقى وتغير طريقة التعامل
بينهم والله المستعان

[ابن مصر]

العقل نعمة

[ملكة الرحمه]

ربنا يهدى
كل حاجه تجيبوها على الستات
ارحمونا شويه
هو الى ايحه ومش عايز يصرف
وبعدين مصاريف ايه الى لسه فى أول شهرين
دا بتلكك دا يعنى لسه مشافشى مصاريف خالص
و90% من المصاريف متوفره
والله ان ماكانشى عايز يصرف ميتجوزشى

[alsam3r star]

واللة هو شكلة قرفان من نفسة مراتة زنبها اية

والا انتو كل حاجة تقولوا الستات والله احنا مظلومين معاكم

[Muhamed]

لكن احنا لو ادينـــا لنفسنا لحظة نعيش مع وضعه اللي خلاه ينتحر
هنلاقي إن من حقه كده .. احنا معرفناش أي تفاصيل علشان نقول انه غبي

الانتحار حرام يا ريموف

لانه اعتراض على قضاء الله وقدره وقتل نفس حرم الله قتلها (حتى ولو كان هيقتل نفسه)

وجزائه جهنم لمن يفعل ذلك(الا من رحم ربى) ولا صلاه عليه كمان ودا ثابت بالاحاديث الصحيحه والمتفق عليها

مهما كان الظروف مينفعش اقول الظروف دى خلته يشرب مخدرات او يقتل كل دى ممنوعات مينفعش اقول الظروف

[فجر الاسلام]

اقتباس:
لكن احنا لو ادينـــا لنفسنا لحظة نعيش مع وضعه اللي خلاه ينتحر
هنلاقي إن من حقه كده .. احنا معرفناش أي تفاصيل علشان نقول انه غبي
الانتحار حرام يا ريموف

لانه اعتراض على قضاء الله وقدره وقتل نفس حرم الله قتلها (حتى ولو كان هيقتل نفسه)

وجزائه جهنم لمن يفعل ذلك(الا من رحم ربى) ولا صلاه عليه كمان ودا ثابت بالاحاديث الصحيحه والمتفق عليها

مهما كان الظروف مينفعش اقول الظروف دى خلته يشرب مخدرات او يقتل كل دى ممنوعات مينفعش اقول الظروف


وبعدين كمان الانتحار او الدعاء ع النفس بالموت لما تواجهنا مشاكل من دى ده يأس من رحمة ربنا

واللة هو شكلة قرفان من نفسة مراتة زنبها اية

والا انتو كل حاجة تقولوا الستات والله احنا مظلومين معاكم


هههههههههههه لا بوصى مندوز ده متعقد من التاء المربوطة فى كل حاجة
هههههههههههه
بوصى يا ستار هو اى نعم بالرغم من عقدة مندوز دى والحكمة الغريبة اللى قالها بس
الشرطة مثلا لما تيجى هتبحث عن خيوط الجريمة من الناس اللى يتشك فيها وان مكنتش هى اولهم مراته لانه كان على خلاف معاها

والله اعلم

[عبدالرحمن م]

هو ايه اللى حصل فى البلد

رجال بيرموا زوجاتهم من ثالث دور

نساء بيقرفوا أزواجهم لدرجة الإنتحار :bm:

أنا باين عليا هتجوز بعد ال47

[Muhamed]

الشرطة مثلا لما تيجى هتبحث عن خيوط الجريمة من الناس اللى يتشك فيها وان مكنتش هى اولهم مراته لانه كان على خلاف معاها



بيقولوا انهم لقوا على السكينه اثار فتاه من الاسكندريه يرجح انها الارهابيه التى قامت بمحاوله القتل بناء على طلب الزوجه

[Muhamed]

يمكن بس
وازاي يعني وانت بتقول أنها المرأة ولا شي سواها يعني عبارتين متناقضتين.
وبعدين يمكن نقول أه انها افترت عليه لما ذكر في التحقيق ...وأكيـــد طبعا التحقيق كان معاها

لا فى فرق كبير بين الجملتين

الحاله الاولى

الراجل ضرب نفسه بالسكينه بعد ما اتقرف من حياته بسبب زن مراته

وهنا يبقى المرأه هيا السبب

الحاله التانيه

الراجل مضربش نفسه بالسكينه والست هيا اللى ضربته بالسكينه علشان ممكن يكون غلط فيها ولا حاجه

وهنا برضه يبقى المرأه هيا السبب

مفيش تناقض بين الجملتين :)

[vip]

ربنا يهدى
كل حاجه تجيبوها على الستات
ارحمونا شويه

ديما الستات هم بتوع المشاكل

ووجع الدماغ

هو الى ايحه ومش عايز يصرف
وبعدين مصاريف ايه الى لسه فى أول شهرين








وممكن تكون هى اللى مسرفه ومش عاجبها

حاجه ومفيش واحد بخيل يفكر فى كدا دا ممكن يقتلها هى

هى دى ستات اخر زمن والله فعلن

العقل نعمه من عند ربنا

تسلم ياميرو

[سجدة قلب]

الانتحار حرام يا ريموف

لانه اعتراض على قضاء الله وقدره وقتل نفس حرم الله قتلها (حتى ولو كان هيقتل نفسه) مش قصدي على حكم الإنتحار اقصد الموقف اللي هوا فيه خلاه تحدى الأمر وانتحر
يعني كأن بقولكـ الأمر اللي خلاه ينتحر دا مش صورة عادية زي ما تخيل لينا
وبعدين متنساش إن الأمر دا بتاع حياة ..يعني مش مجرد أمر هيعدي

[فجر الاسلام]

وممكن تكون هى اللى مسرفه ومش عاجبها


حاجه ومفيش واحد بخيل يفكر فى كدا دا ممكن يقتلها هى


هى دى ستات اخر زمن والله


حتى لو هى مصرفة اوى بس مش لدرجة ان الراجل ينتحر بعد شهرين اومال لو سنتين كان عمل ايه


ديما الستات هم بتوع المشاكل


ووجع الدماغ


يا راجل
انا حاسة ان فى حزب جديد هيظهر فى المنتدى ضدنا

بيقولوا انهم لقوا على السكينه اثار فتاه من الاسكندريه يرجح انها الارهابيه التى قامت بمحاوله القتل بناء على طلب الزوجه

:36_6_7[1]:
وبيقولوا ان نفس ذات السكينة قربت تكون على رقبة واحد صاحبنا
مش قصدي على حكم الإنتحار اقصد الموقف اللي هوا فيه خلاه تحدى الأمر وانتحر
يعني كأن بقولكـ الأمر اللي خلاه ينتحر دا مش صورة عادية زي ما تخيل لينا
وبعدين متنساش إن الأمر دا بتاع حياة ..يعني مش مجرد أمر هيعدي

احنا فاهين قصدك يا ريموف
بس مهما كانت الظروف مهما كانت مفيش مبرر للانتحار
عارفه لو كان ليه مبرر مكنش ربنا حرمه ابدا وفى ناس مشاكلها اكتر من كده مليون مرة بس منتحروش
لان مهما كان الابتلاءه او الايذاء اللى وقع عليه مش هيكون زى الانياء والمرسلين لان دول عاشوا اشد الابتلاءات

بوصى يا ريموف يا حبيبتى مدام واحد عاقل وناضج السلوكيات الخاطئة جدا جدا والواضح انها خطأ مش بيكون ليها مبرر
بالذات السلوكيات
يعنى مثلا لو واحد فقير ووراه كوم عيال مش مبرر انه يروح يتاجر فى المخدرات

ممكن الراجل اللى انتحر ده كان شخص كويس وطيب ومش متوقع منه هذا السلوك
بس فى لحظة ممكن الشيطان يكون وسوسه بالانتحار وهو استسلم ونفذ
وغلطته ان نفذ واستسلم
عشان كده لازم الواحد يعمل كنترول على اعصابه

[سجدة قلب]

يعنى مثلا لو واحد فقير ووراه كوم عيال مش مبرر انه يروح يتاجر فى المخدرات
نعم .كذلك.
ماشي يا فجر.,,, بس نسيب الموضوع ده والمناقشة بدون اتخاذ دليل طبعا معروف ان الأنتحار والمنتحر كافر
واتخذ الإسلام موقف صارم منه .... وانه كبيرة من كبائر الذنوب وفاعلها نتوعد بالدخول في نار جنهم
ويعذبه الله بالوسيلة التي انتحر بها
وحديث- رسول الله صلى الله عليه وسلم - ( مَن تردى من جبل فقتل نفسه فهو في نار جهنم يتردى فيه خالداً مخلداً فيها أبدا، ومَن تحسَّى سمّاً فقتل نفسه فسمُّه في يده يتحساه في نار جهنم خالدا خلداً فيها أبدا ، ومن قتل نفسه بحديدة فحديدته في يده يجأ بها في بطنه في نار جهنم خالداً مخلداً فيها أبدا )

وكذلك حينما قال
( مَن قتل نفسه بشيء في الدنيا عذب به يوم القيامة )

والأمر الذي تعرض له هو ابتلاء من الله - عز وجل- وما يجب عليه هو الصبر او ارجاع زوجته إلى أهلها

والحمد لله على نعمة الإسلام.

ما كنت اريد التوصل اليه لا يجب إلا بمناقشة أهل العلم ذاتهم .....وعلى فكرة الكلام اللي فوق ده مش مني
دا سؤال سألته النهاردة وأنا خارجة من صلاة التراويح لأهل علم.

،،،
،،،

[la princesse]

على فكرة الراجل ده مش عاقل وضعييييييييف جدا فى كل حاجة
ايمانه بربنا ضعيف
وحبه لمراته ضعيف لانه مقدرش يصبر عليها ولا يفهمها ويعلمها ويكون حريص على نفسه عشانها
وشخصيته ضعيفة لانه مقدرش يواجه مشكلة صغيرة ويحلها وفضل الهروب وبطريقة حرام

الذنب ذنبه
وهى غلطانة شوية بردو انها عصبته ووصلته لمرحلة وحشة

[سجدة قلب]

لى فكرة الراجل ده مش عاقل وضعييييييييف جدا فى كل حاجة
ايمانه بربنا ضعيف
وحبه لمراته ضعيف لانه مقدرش يصبر عليها ولا يفهمها ويعلمها ويكون حريص على نفسه عشانها
وشخصيته ضعيفة لانه مقدرش يواجه مشكلة صغيرة ويحلها وفضل الهروب وبطريقة حرام

الذنب ذنبه
وهى غلطانة شوية بردو انها عصبته ووصلته لمرحلة وحشة
وليه يا ميرو مدخلتيش وقلتي كده من الأول
ولكن اقتباسا من حديث رسول الله - صلى الله عليه وسلم -
عَنْ أَبِي هُرَيْرَةَ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَا يَزَالُ الْبَلاءُ بِالْمُؤْمِنِ وَالْمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ )

وكان دائما - رسول الله صلى الله عليه وسلم - يدعو ب
(اللهم بعلمك الغيب وقدرتك على الخلق، أحيني ما علمت الحياة خيراً لي، وتوفي إذا كانت الوفاة خيراً لي)


اللهم امتنا ع الإسلام وتوفنا ع االإسلام

[la princesse]

عَنْ أَبِي هُرَيْرَةَ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَا يَزَالُ الْبَلاءُ بِالْمُؤْمِنِ وَالْمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ )

صدق رسول الله صلى الله عليه وسلم
بس الكلام ده بقى لو كان واحد صبر وتحمل البلاء ده اللى يبقى مؤمن وقوى وترفع عنه الخطايا
لكن احنا هنا ادام واحد اختار انه يموت كفر على انه يصبر على قضاء الله ويرضى

[سجدة قلب]

بس الكلام ده بقى لو كان واحد صبر وتحمل البلاء ده اللى يبقى مؤمن وقوى وترفع عنه الخطايا
لكن احنا هنا ادام واحد اختار انه يموت كفر على انه يصبر على قضاء الله ويرضى
نعم صدقتي..واخترت أنا اني احطته للدمج بين الحالتين.

[SIMO]

سبحان الله

ليه كده بس ده كده كله هيتعقد من الجواز

مفيش حاجه مستاهله انه يموت نفسه عشان خاطر مصروف بيت

لا اله الا الله

[vip]

ليه كده بس ده كده كله هيتعقد من الجواز

مفيش حاجه مستاهله انه يموت نفسه عشان خاطر مصروف بيت




اكيد طبعا الراجل دا معندوش دين

رضـا على نفسه ان يموت كافر
وانت
يا صحبى متحملش هم جوازك عليا وعروستك

عندى شلبيه هتروح فين:bm: