هو ياتـــرى انا جمــيل ..؟ تعالو كده نشــــوف ..!!

[عاشق الايمان]

الرابط لايظهر فى الأرشيف


------

ممممممم ..

العنوان المره دي غريب شويه الحقيقه .. هو صحيح ياترى هو انا جميل ..!! .. ممممم طب تعالو نشوف كده معايا ..

من كام يوم وانا رايح الكورس بتاعي وراكب المواصلات .. وكالعاده قاعد جنب الشباك هههه .. وحاطط الهاندفري ومش واخد بالي مين الي جنبي اساسا ..

وانا راكب المواصلات بحب اوي ابص علي الناس الي رايح والي جاي .. واشوف الشوراع وحياة الناس والمناطق الشعبيه الجميله الموجوده في اسكندريه ..

وانا ببص كده هنا وهناك .. لاقيت بنات كتيره اوي شبه بعض .. كان غريب الموضوع بالنسبه ليا ..

ان الاقي كل بنت في الشارع شبه التانيه بالظبط .. نفس اللبس ونفس الاستايل .. وكأنهم نسخه واحده من بعض ..

فقلت لنفسي ياواد ياحمو .. هما دول فاكرين نفسهم جمال .. هو ياترى هو ده الجمال الي بيقولو عليه .!!

ممممم فعلا احترت .. وقولت لنفسي ياترى ايه هو الجمال في نظرهم دول وهل فعلا هما عندهم حق ..!!

فكرت كده تاني . وقولت طيب نعمل تجربه صغيره كده مع نفسي ..

افتكرت ساعتها كل صحابي واهلى الي بحبهم وبيحبوني ويارب يديم المعروف يارب .. قولت مين اغلى ناس عندي واحب الناس علي قلبي ..!!

واخترت كده كام واحد من صحابي .. اعز صحاب ليا .. معني والله وربنا يعلم اني بحبهم كلهم .. بس بردو بيكون ليك صاحب قريب بتحبه اكتر شويه ..

وقولت هل اعز صحاب ليا دول .. واحب الناس علي قلبى .. هما اجمل صحابي..!!

هل البنت الي انا حبتها .. هي اجمل بنت انا شفتها ..!!

الحقيقه .. كتير كانت الاجوبه علي اسئلتى بــ لأ .. مش دايما بيكون اجمل انسان انت تعرفه هو اعز انسان علي قلبك ..

علي الرغم ان بيكون اعز انسان علي قلبك ده بيكون في عنيك اجمل انسان في الدنيا ..

ممممم ..

من هنا رديت علي نفسي وقولت .. ( مش ده الجمال ياحمو .. مش ده الجمال الي يحبب الناس فيك ) ..

وان جمال الاخلاق والاحترام والمعامله الكويسه والعشره الجميله والحب في الله هو ده الجمال الحقيقي ..

الي انا وانت وانتي وانتم كلكم بنحب الناس عشانها ..

فسألت نفسي سؤال تاني وقولت ( طب هما بيعملو كده ليه طيب ..؟ )

هل المفاهيم اتغيرت ويحسبو انه بده ممكن يكسبوو قلوب الناس واعجابهم ..!!

ولا بيقولو في نفسهم ان الله جميل يحب الجمال ..!! معنهم الحقيقه مش جمال .

ممم وهل معنى الجمال هنا هو فعلا الجمال الشكلي فقط .. وصلت في النهايه .. ان جمال الاخلاق والتربيه والادب..

ممكن يغطى علي حاجات كتيره مش كويسه فينا .. وحسيت ساعتها ان فعلا البنات كلها زي بعض ومش ممكن نفرق بينهم علي حسب اشكالهم عشان اللبس والميك اب .

. ممكن يخلي كده - زي مبيقولو - لبس البوصه تبقى عروسه ..

وساعتها الحقيقه قولت انا يوم ما اتجوز .. واشوف بنت الحلال الي راحت دي .. لازم اداري شكلها الاول وابص

لدينها واخلاقها وتربيتها و معاملتها الكويسه مع والدها ووالدتها ومع الناس الي يعرفوها الاول .. قبل اما ابص علي شكلها الجميل .

وساعتها تذكرت حديث النبي ( صلى الله عليه وسلم ) فيما معناه يعني : ( تزوج المرأة لثلاث‏:‏ لمالها وجمالها ودينها، فعليك بذات الدين تربت يداك‏ ) ..

يعني اننا نبص لدينها واخلاقها وكل ما يتعلق بده بئه قبل الجمال والمال والحسب والنسب ..

اينعم مفيش حد مننا مش عايز يتجوز بنت كويسه وجميله شكلا .. اكيد كل واحد يتمنى ..

بس انا بئه .. مش عايز اتجوز واحده جميله .. وبمجرد ميروح الجمال بمرور الزمن مشوفش ساعتها اي جمال فيها ..

وساعتها الجنه هتبقى جهنم ..

اه فعلا والله .. ان جمال الشكل اول حاجه بتروح من الانسان .. اما اخلاقه وحب الناس ليه وتدينه وسمعته الكويسه الي بتسبقه .. هي ابقى جمال ممكن يتحلى بيه الانسان مننا ..

ومن ساعتها .. قررت انا محمد السيد .. مدققش في جمال الناس الشكلي .. وادقق بس في جمال اخلاقهم واحترامهم لذاتهم قبل احترامهم للناس ..

وان مفيش حد اختار شكله .. دي نعمه من ربنا سبحانه وتعالى .. بس بما اننا مخيرين ليس بمسيرين ممكن نختار جمال اخلاقنا من عدمه ..والي فعلا هو ده الجمال الابدي ..

مفيش مانع اكون جميل واهتم بلبسي ومظهري الجميل الي بقابل بيه الناس واستايل كلامي وتعاملاتي وبرستيجي وسط الناس ..

بس قبل ده كله .. ياترى انا بتعامل مع الناس علي اساس ايه ..!! والناس اما تحبني .. بتحبني علي ايه ..!!

ولذلك - خدو بالكم من لذلك دي ههههه - انا عمري مقلت لاي حد علي النت عايز اشوف صورتك .. حتي لو طلبها مني هو ..

انا اوريله صورتي بس بردو مطلبش منه صورته عشان انا نويت والنيه لله .. اني اتعامل مع الناس علي اساس اخلاقها وادبها وجمال تعاملتها مش جمال اشكالها ..

وان حكمت الظروف ان اشوفه اكيد مفيش مانع .. اكيد ده بييقربنا اكتر من بعض .ويخلي العلاقه واقعيه اكتر . بس حبيت بس اوضح طريقة التعامل الصحيحه من وجهة نظري .

واخيرا وليس أخرا ان شاء الله ..ياتــرى سألنا نفسنا السؤال ..!!

انا بتعامل مع الناس علي اي اساس بئه ..؟

وساعتها خلي شعارك في التعامل مع الناس .. لضمان ان شاء الله علاقه كويسه ابديه

(( فلتحبني وتحترمني لجمال اخلاقي وتعاملاتي لا لجمال شكلي ..))

ويارب يديم المعروف بين الاصحاب والاحباب وكل المسلمين يارب

---

على هامش الموضوع :-

طبعا زي مبقلت وبقول في اي توبيك انا بعمله .. مش لازم يكون رأي هو الاصوب وانا ان شاء الله متقبل اي نقد او اختلاف في الراي ..

المهم نوصل كلنا لحاجه كويسه تفيدينا في حياتنا واهو نقول بندخل النت ونستفيد .. ويارب اكون افدتكم وان شاء الله اكيد هستفاد من ارائكم ..

وكل سنه وانتم طيبين .. ويارب تنعاد علينا الايام بكل خير .. ورمضان كريم ..

[سمو الأحساس]

اشكرك يا مانـــ

على الموضوع المميز