"¤©§¤المقابلة السادسة مع "" ابن مصر """¤©§¤

[3aShe2]

الرابط لايظهر فى الأرشيف


الرابط لايظهر فى الأرشيف

أسعد الله مسائكم جميعا
وكل عام وأنتم بخير
نقولها
من القلب
جعل الله أيامكم كلها أعياد
ترفل بالسعادة
وتنعم بالهدوء ..

ضيفنا اليوم لا يحتاج لمقدمة اكتبها بحقه
فقد كتب عن نفسه
وترك لدينا جميعا اكثر من انطباع ..
اكثر من بسمة ..
اكثر من وقفة اعتزاز

ضيفنا هذه المرة هــو
الرابط لايظهر فى الأرشيف ابن مصر الرابط لايظهر فى الأرشيف

بكرم اخلاقه .. وطباعه التى تفوح باصالة بلاده
وتفيض من خيرات النيل الكريم..

أترككمـ مع ضيفنا الكريمـ
فأهلا به هنا...,


المقابلة مستمرة لمدة 7 أيام
حتى يوم 27/9/2009
تم تمديد زمن المقابلة 3 ايام بناء على طلب ابن مصر

المقابلة مستمرة حتى يوم

30/9/2009

يرجى قراءة قوانين قسم المقابلات من هنا (الرابط لايظهر فى الأرشيف)


الرابط لايظهر فى الأرشيف

[3aShe2]

بسم الله نبدأ

الاسئلة الاعتياية

الاسم , الاقامه , الهوايات , مهنتك او دراستك , تاريخ الميلاد

[عبدالرحمن م]

منور الكرسى

توكلنا على الله

...............

1- اسمك الرباعى

2- ايه أكتر موقف عجبك النهارده (أول أيام العيد) وطبعاً أكتر موقف كرهته لنفس اليوم ؟

3- باسووردك فى المنتدى (بهزر :bm: بهزر) .

4- كم عدد ساعات عملك فى اليوم ؟

5- تاريخ اليوم اللى سافرت فيه أول مرة .

6- لون العين اليمنى (مش لازم اليسرى :bm: ) .

7- ايه هو السن اللى تتمنى تعيشه تانى ؟

8- خرجت كام مرة النهارده ؟

9- بتتمنى ايه ؟

10- حلمت بايه فى النومة اللى فاتت :041: ؟

.............

نكتفى بهذا القدر

[3aShe2]

لزم التنويه


*عدد الاسئلة المتاحة لكل عضو 10 أسئلة ..

[انين الصمت]

أهلا بيك على كرسي الاعتراف ( العذاب)
1-ما هى حالتلك الاجتماعية ؟ ( عاذب -خاطب -متزوج)
2-عندك كام اخ و كام اخت ؟
3- ايه رأيك فى مصر ؟؟ و هى الاحسن و لا السعودية ؟؟
4-اجازتك الجاية امتى لو كنت مسافر ؟؟
5-احلى فترة فى حياتك كانت ايه؟؟
6- اكتر موقف محرج مريت بيه؟؟
7_و الأخير : ماذا كنت تتمنى ان تصبح و انت صغير و هل حققت هذه الامنية ؟و لو لا .. شعورك ايه؟؟
اكيد كفاية كدة اوى...
نصيحة : امسك ورقة الاسئلة كويس ... اقرأها بتمعن ... ركز اوى فى الاجابة ... ماتضيعش درجات
اخيرا :ماتحولش الغش ... ماتحولش الغش ...ما تحولش الغش ... المراقبه صعبة و الامتحان اصعب
سلام عليكم

[AlSam3r]

تعالالى يا كميل
تعالالى يا حنين
انته وقعت ولا الهوا رماك
اولا عيدك سعيد نيجى للجد بقى
اولا متى كان اول حب فى حياتك ؟ومن تكون؟وهل لازلت تحبها؟
ايه سؤال صعب
اقولك التانى بقى خد نفس عميق شد الحزام وتعالى معايه
هل فكرت فى الارتباط خلال زيارتك القادمه لمصر؟وهل وجدت من سترتبط بها؟
وما الذى جذبك اليها؟
تعالى كمان معايه
تفتكر احسن ايام الكلية ولا ايامك الوقت
وايه الفرق بينهم (بس بصراحه ها فاهمنى)
ياللا كفايه الوقت
ياعينى عليك يا بن مصر هتتعصر عصر

[عاشق الايمان]

بسم الله الرحمن الرحيم

الليله ليلتك يا ابو حميد شد حيلك

1- احمد ايام انتخابات الرئاسه كنت انت مطلوب امنيا ايه حكايه القصه دي

2- انت اهلاوي ولا زملاكاوي ولا زملهاوي

3- البنت بالنسبالك ايه

4- والحب هل هو قصه حقيقيه ولا خياليه بالنسبالك

5- لو ابن بلدك في موقف وانت تعرفه من بعيد وعايز مساعده من اي حد هل هتساعده بس ممكن تيجي علي حسابك فلوسك

[vip]

السلام عليكم ورحمه الله وبركاتو

اهلا يا ابو حميد منور على الكرسى يا صحبى


ارخى اعصابك وخد نفس متقلقش مش هعقدك

دا اسئلتى سهله وبسيطه ومش محتاجه غش

1_ما هى حكمتك فى الحياه؟

2_ما هو هدفك فى الحياه؟

3_متى يقسو قلب احمد؟

4_كيف تواجه من يخطىء فى ابن مصر؟

5_يقال انت (الحقيقه مره)..هل واجهتك المقوله دى؟

6_ما هى سلبيات واجبات احمد ابن مصر ؟

7_حط الاسم المناسب فى المكان المناسب وبدون تردد ولا زعل؟؟؟

_غامض؟؟

_دمه خفيف؟؟

_مرح؟؟

_دمه تقيل؟؟

_عصبى ؟؟

_طيب؟؟

_محبوب؟؟؟

اكتفى بهذه الاسئله وربنا معاك يا ابو حميد

مرضدتش اتقل عليك

ومع تحياتى لك

[ابن مصر]

المقابلة مستمرة لمدة7أيام
حتى يوم 27/9/2009



الصلاة على النبي

أسئلتك دي يابني عاوزه 7 شهور مش 7 ايام

طول المدة الله يطلولي بعمرك قوووول أمين

[ابن مصر]

بسم الله نبدأ


الاسئلة الاعتياية

الاسم , الاقامه , الهوايات , مهنتك او دراستك , تاريخ الميلاد


استفتاحه لبن ان شاء الله

اسمي أحمد حامد

مقيم بالمملكة العربية السعودية / الرياض

هواياتي / كرة القدم والأنترنت ومساعدة الأخرين

مهنتي / منسق خدمة العملاء بشركة هارفي نيكلز الرياض

دراستي / ليسانس أداب قسم اللغات الشرقية

تاريخ ميلادي / 28/9/1983

حلو الأسئلة لما تكون سهلة كده ،، شكلك هتاكل الجاتوة والباسطرمة:thumbup1:

[ابن مصر]

منور الكرسى



توكلنا على الله
...............
1- اسمك الرباعى
2- ايه أكتر موقف عجبك النهارده (أول أيام العيد) وطبعاً أكتر موقف كرهته لنفس اليوم ؟
3- باسووردك فى المنتدى (بهزر :bm: بهزر) .
4- كم عدد ساعات عملك فى اليوم ؟
5- تاريخ اليوم اللى سافرت فيه أول مرة .
6- لون العين اليمنى (مش لازم اليسرى :bm: ) .
7- ايه هو السن اللى تتمنى تعيشه تانى ؟


8- خرجت كام مرة النهارده ؟
9- بتتمنى ايه ؟
10- حلمت بايه فى النومة اللى فاتت :041: ؟
نكتفى بهذا القدر




الا هو فين الكرسي اللي هقعد عليه

حتى كرسي استخسرتوه فيا :wacko: للدرجة دي عايزين تتعبوني :no3:

يلا أمرنا لله

1- اسمك الرباعى

أحمد حامد محمود حامد

2- ايه أكتر موقف عجبك النهارده (أول أيام العيد)

أكتر موقف عجبني اليوم وأنا بصلي في الساحة صلاة العيد ولقيت كل الناس بتسلم على بعضها من غير ما حد يعرف اي حد وكأنهم يعرفوا بعض من سنين وبشكل مفاجئ لقيت نفسي مندمج بهذا الأمر وبسلم على الناس من غير ما أعرفهم ،،، الحمد لله على نعمة الأسلام اللي خلى المسلمين بالشكل الجميل ده

وطبعاً أكتر موقف كرهته لنفس اليوم ؟

أكتر موقف كرهته اليوم هو اني قبل قليل كنت في حديقة عامة جميلة جدا بالرياض ، ولقيت بعض الجاليات العربية مبيحترموش نظافة المكان وبشكل سئ القاء مخلفات التسالي على الأرض بشكل همجي مما أثار حزن في نفسي ،، وموقف ضايقني قبل ساعة تقريبا وهو مرض جدتي بالمنصورة المفاجئ لكن الحمد لله اطمنت عليها وبقت أحسن

3- باسووردك فى المنتدى (بهزر :bm: بهزر) .

وتهزر ليه عادي جدا ،،، ثلاثة أصفار صفرين زيرو ومتنساش الزيرو ياقمر:042:

4- كم عدد ساعات عملك فى اليوم ؟

عدد ساعات عملي في اليوم 9 ساعات يتخللها ساعة بريك من 8.30 صباحا حتى 6.00 مساء



5- تاريخ اليوم اللى سافرت فيه أول مرة .

له موقف لذيذ

تاريخ اليوم ده 20/12/2005 وبالصدفة كانت رقم بطاقتي بدايته 2012

6- لون العين اليمنى (مش لازم اليسرى :bm: )


في جواز سفري مكتوب لون العينين انظر الصورة فعندك الصورة شوفها بنفسك :)


وعشان متتعبش كتير لونها عسلي ياسيدي



7- ايه هو السن اللى تتمنى تعيشه تانى ؟



سن الطفولة وقت ماكنت لا أملك لنفسي أي مسئولية أو مشاكل

الحياة وردية وأهلي بيوفرولي كل متاع الحياة

وأعتقد ده سن ما يتعوضش يامين يرجعني له

لكن الحمد لله على كل شئ


8- خرجت كام مرة النهارده ؟


مرتين مرة لصلاة العيد وجيت نمت وصحيت الناس جم عيدوا والمرة التانية وأنا خارج للحديقة مع الأهل


9- بتتمنى ايه ؟


بتمنى من الله أن يجعل أيامنا كلها رمضان ويجعل المسلمين متوحدين على رأي يوافق السنة

بتمنى عالم مفيش فيه نفاق ولا رياء

بتمنى ناس لما يعاتبوا يعاتبوا وجها لوجه ولا يتستروا خلف ماسكات

بتمنى ربنا يرضى عن المسلمين جميعا ويعتق رقابنا من النار

بتمنى زوجة تحبني في الله وتقدر معنى وقيمة الحياة الزوجية

10- حلمت بايه فى النومة اللى فاتت :041: ؟

مش فاكر بالظبط لكن اللي فاكرة انه كان حلم جميل



شكرا مرورك وأسئلتك الغالية أخي الغالي عبد الرحمن وعقبال ماتشرفنا على الكرسي قريب :thumbup1:

[ابن مصر]

أهلا بيك على كرسي الاعتراف ( العذاب)

أهلا وسهلا أختي أنين

1-ما هى حالتلك الاجتماعية ؟ ( عاذب -خاطب -متزوج)

أعذب وليس عازب أختي الكريمة

2-عندك كام اخ و كام اخت ؟

أنا الولد الوحيد على ستة بنات

3- ايه رأيك فى مصر ؟؟ و هى الاحسن و لا السعودية ؟؟

مصر هي أمنا هي وطنا هي حضننا الدافي اللي مهما نبعد عنه نحن له ونرجعله

مصر لا يعرف قيمتها الا من سافر واغترب

أتمنى استنشاق هواءها وشرب ماءها العذب

ما يحزنني كثيرا أننا في مصر حكومة وشعب لا نقدر هذا الأمر

في السعودية كحالة أمامي يدفعون كل غالي ورخيص من أجل علو شأنها

في كل مجالات الحياة ويستعينوا بكل الجنسيات وخاصة المصرية لتطوير بلدهم

الأيدي العاملة التي تعمل في السعودية لو دعمتها وجعلتها تبني وتنشئ وتطور الصحراء

الشرقية والغربية في مصر لفعلت ولما لا وأن السعودية بالكامل أو بأدق تقدير 90% منها مبني على الصحراء

فهذه الكفاءات نحرم أرضنا الطيبة منها ، واضافة لذلك من النواحي الدينية كيف يكون لدينا علماء أجلاء أمثال الشيخ ابو اسحق الحويني والشيخ محمد حسان والشيخ محمد حسين يعقوب والشيخ محمود المصري وغيرهم الكثير ويحرم المواطن المصري من رؤيتهم على قنواته الحكومية وفي المقابل هؤلاء العلماء الأجلاء مبدعين في كل القنوات وخاصة القنوات الحكومية في الدول العربية الأخرى


4-اجازتك الجاية امتى لو كنت مسافر ؟؟

ان شاء الله احتمال كبير أعيد في وسط أهلي بكفر عبد المؤمن عيد الأضحى المبارك

دعواتك ربي ييسر لي أمري


5-احلى فترة فى حياتك كانت ايه؟؟

صراحة كانت فترة الجامعة مع ثالث ثانوي من أجمل الفترات اللي قضيتها بعمري

6- اكتر موقف محرج مريت بيه؟؟

كان قبل سفري للسعودية كنت أقف امام لمسجد الرحمن بكفر عبد المؤمن وقت عدم وجود الأمام ، وفي يوم كان عمال المسجد مطفيين الكهربا الا قليل منها وقت صلاة العشاء ونظرت وقت الاقامة فلم أجد الامام فتقدمت للصلاة وانا على مصلى الامام اذ بي المح صوت ينبهني بوجود الامام بالمسجد فنظرت عن يميني فوجدته فأحرجت كثيرا اني تعديت الأمام ووقفت مكانه وطلب مني البدء بالأمامه لكني رفضت ورجعت للخلف مرة ثانية

7_و الأخير : ماذا كنت تتمنى ان تصبح و انت صغير و هل حققت هذه الامنية ؟و لو لا .. شعورك ايه؟؟

صراحة كانت امنيتي اني اشتغل في مجال الكمبيوتر لكن لم يوفقني الله بمجموع يؤهلني لدراسة الكمبيوتر بالجامعة لكن اعتمدت على نفسي وتحديتها حتى أصبحت وأنا أدرس في السنة الرابعة من الجامعة مدرب كمبيوتر في مركز دلتا الأكاديمي للكمبيوتر والانترنت وكانت انطلاقتي بعد ذلك لأصبح بخبرة التدريب لمدة سنتين بالمنصورة ان اعمل مدرب كمبيوتر بأحد أشهر المعاهد بالسعودية في مجال الكمبيوتر خلفا للمهندس محمد صالح الحبشي

وكنت في منتهى السعادة وقت أن حقق لي ربي هذه الأمنية

اكيد كفاية كدة اوى...

نصيحة : امسك ورقة الاسئلة كويس ... اقرأها بتمعن ... ركز اوى فى الاجابة ... ماتضيعش درجات

اخيرا :ماتحولش الغش ... ماتحولش الغش ...ما تحولش الغش ... المراقبه صعبة و الامتحان اصعب

أكيد أسئلتك جامدة وفكرت كتير وانا بجاوب عشان اطلعلك الخلاصة

سلام عليكم

وعليكم السلام


شكرا طيب الأسئلة أختي الكريمة انين الصمت

[عاشق الايمان]

اكمل اسئلتي انا بقي معلشي كنت باخد استرحه صغنونه بس

6- ايه موقفك مع اصدقائك لسه ليك كلام معاهم ولا مع سفرك كل حاجه انتهت بالنسبه للاصدقاء الواقعين واصدقاء النت

7- ايه رايك في العشوائيه

8- ايه موقفك من الدنيااا

9- هل مواصفاتك في السعوديه تختلف عن مواصفات في مصر من ناحيه دينيه والدنيويه

10- اخبارك ايه بقي في الغربه والجماعه بتوع البلد اخبارهم ايه


وشكرا يا احمد علي المقابله الجميله دي هي صحيح تامده طحن بس تعمل ايه ما بالايدي حيله

وفقك الله

[محمد عاشور]

حبيبى والله وجارى علشان كده أسئلتى هتكون سهلة خالص
وهكون حنين عليك
1- ما أكتر خبر زعلك وإنت فى السعودية عن بلدك ؟
2- لسه فاكر فريق الهلال بتاع الشارع ولا لأ لو فاكر قول قصة حصلت فى ماتش ؟ فكرنى يا عم الحاج .
3- عمك على أبوجاد بيمثلك إيه ؟ والحاج إبراهيم ؟
4- مين أكتر واحد بتحبه فى الشارع ؟
5- أكتر مكان بيعجبك فى كفر عبد المؤمن غير بيتكم علشان أنا عارف الوطنية بتنقح عليك ؟
وكده كفاية علشان مش عاوز أسئلة صعبة عشان بحببببببببببببببببببببببببببببببببببببببببك

[Sir.7amato]

3- عمك على أبوجاد بيمثلك إيه ؟ والحاج إبراهيم ؟

هههههههههههههههههههههههههههههههه
جامد السؤال ده ،،

إستنانى يا أبو حامد وعاوزك ع الخاص ،

[AlSam3r]

ليه بس عمك على ابو جاد والحاج ابراهيم يا حماتو حرام عليك انته هتجيبله احباط

[ملكة الرحمه]

انا بقى عندى سؤال محيرنى
كل ما ادخل المنتدى فى اى وقت مهما ان كان الاقيك موجود ممكن اعرف ليه
انت بتنام كام ساعه
وايه الى يمثله لك النوم
انت حبيت بيتكم الى فى اول الشارع بتاعكم
انا بقى عايزه اعرف فى مبنى قدام بيتكم دا مبنى ايه
كفايه كدا

[ابن مصر]

تعالالى يا كميل


تعالالى يا حنين
انته وقعت ولا الهوا رماك
اولا عيدك سعيد نيجى للجد بقى
اولا متى كان اول حب فى حياتك ؟ومن تكون؟وهل لازلت تحبها؟
ايه سؤال صعب
اقولك التانى بقى خد نفس عميق شد الحزام وتعالى معايه
هل فكرت فى الارتباط خلال زيارتك القادمه لمصر؟وهل وجدت من سترتبط بها؟
وما الذى جذبك اليها؟
تعالى كمان معايه
تفتكر احسن ايام الكلية ولا ايامك الوقت
وايه الفرق بينهم (بس بصراحه ها فاهمنى)
ياللا كفايه الوقت
ياعينى عليك يا بن مصر هتتعصر عصر




معلش غبت عنكم يومين لزوم العيد والعيديات ورجعت لمعتقل الكرسي مرة تانية

الله يسامحك ياعاشق كل يوم اقول الله يسامحك على الاعترافات اللي أنا فيها دي

نشوف الحاج سمير

اولا متى كان اول حب فى حياتك ؟ومن تكون؟وهل لازلت تحبها؟

سؤال صعب صراحة لكن لا تستغرب من اجابته

صراحة أول حب في حياتي مش عارف وقتها كان اسمه حب ولا ايه

لكن هو كان شئ حلو حاسس بيه

لا تستغربوا ان كان هذا الأمر قد حدث وأنا في الصف الرابع الأبتدائي :)

كانت زميلتي بالفصل ولا داعي لذكر الاسم

وبعدها لم أراها حتى الأن من وقت تخرجنا من الابتدائية >> حلوة تخرجنا دي

لأني علمت انها سافرت ، مع العلم أنه كان من طرف واحد وهو طرفي

وكنت أحزن جدا وقد أبكي أحيانا وقت أن رأيتها تٌضرب من مدرس

>>> شغل عيال

لكني دائما أبتسم وقت تذكري هذا الأمر فلم أراها بعدها لأني علمت بسفرها خارج البلاد


مرة تانية كان فترة مراهقة وقت بداية الجامعة لكن سرعان ما خرجت منها بسلام لأني بحمد الله أفكر دائما بعقلي وقلبي وليس قلبي فقط

فأنا أخبرتها بأن ليس هناك داعي لحب ليس له نتيجة ايجابية ولكن نتائجة كلها سلبية

فأنا مازلت طالب ولا أستطيع أن أفتح بيت ولا أملك غير مصروف من والدي

لذا يابنت الحلال احنا اخوات وكويس جدا لحد كده وبيكون أفضل لنا جميعا



ايه سؤال صعب

لا سهل اوي :bomb:


اقولك التانى بقى خد نفس عميق شد الحزام وتعالى معايه

اخدت ياسيدي

هل فكرت فى الارتباط خلال زيارتك القادمه لمصر؟وهل وجدت من سترتبط بها؟
وما الذى جذبك اليها؟

حقيقي فعلا انا في مرحلة البحث عن بنت الحلال اللي هرتبط بيها

وغالبا ان شاء الله هيكون في أجازتي القادمة وحتى الأن لم أجد

لكن هناك بعض الترشيحات لبعدي عن مصر من قبل الأهل والأصدقاء عن بنت الحلال

وكنت بفكر أخد من مصر أو من أحد الجنسيات العربية الأخرى هنا بالسعودية

ولسه ما قررتش الأمر وجااااااااري التفكير

والله المستعان ودعواتكم بالخير

تعالى كمان معايه

معاك ياعم

تفتكر احسن ايام الكلية ولا ايامك الوقت

أيامي الأن

وايه الفرق بينهم (بس بصراحه ها فاهمنى)


الفرق بينهم بكل صراحة على المستوى الشخصي

أحسست أن فترة الجامعة هي فترة مزيفة في تاريخنا بكل أسف

فالجامعة لم تعد المجال المطلوب لرفع شأن المجتمع

ولكنه أصبح مجتمع ملئ بالماسكات الا من رحم ربي

داخلين بكل أسف عشان يظهر نفسه أمام البنت الفلانية وهو لا يملك في جيبة

الا المصروف اللي أبوه طلع عينه عشان يوفرهوله

وكذلك البنت تجد الجامعة سبيلا للانفتاح وجو مغاير بلا رقيب

فتذهب وشغلها الشاغل ان تجعل الشباب كلهم معجبين بها

لذا فكانت حياة مزيفة ومعظم حالات الحب داخل الجامعة تنتهي بكل أسف

يا بزواج عرفي

يا بـ ..............

ولا تصدقوا أي أحد يقول احبك ويخاف ان يعلم اهله بها

لأن الحب الطبيعي نهايته زواج

والحب الحقيقي يأتي من باب المنزل وليس من وراء أهلها في الشارع

فالحذر كل الحذر من الماسكات التي تملأ الجامعات

والأن هي من اسعد الفترات بالنسبة لي

فلله الحمد قد تحملت مسئولية وأصبحت جديرا بها

علمت معنى العمل والاتقان لله والاخلاص فيه

علمت ان الحياة = عبادة + عمل + زواج

فهي فترة هامة لي وأجد تطويرا فعليا لكل يوم أعمل فيه

أكسب منه خبرة لغد أفضل

شكراً أسئلتك ياسمير رغم شدتها

[3aShe2]

أنا جيت
الرابط لايظهر فى الأرشيف




*دارت الأيام وأصبحت عضوا فى المنتدى ثم اداريا فى طاقم الادارة ثم ضيفا فى قسم المقابلات فسؤالى لك
ما هو السؤال الذى تتمنى ألا تسأل عنه ؟ ؟ ؟الرابط لايظهر فى الأرشيف

*طموحك في الحياه ,وأحلام حققتها وآخرى تتمناها ؟

*رسالة التى تتمنى ايصالها الى جميع اعضاء المنتدى من خلال هذه المقابلة ؟

*رتب الأوصاف التالية بما يناسبك وبما هو أقرب لشخصيتك:-

حقود - متسرع - عاطفي - خجول - عصبي - عقلاني - كسول - طباخ - ذات علاقات وصداقات - نومه قليل - دبلماسي - متسامح - حساس - خواف - هادئ - كثير المزاح،،

*واخيرا اقول :
رأيك في فكرة قسم كرسي الاعتراف ؟

[ابن مصر]

بسم الله الرحمن الرحيم

الليله ليلتك يا ابو حميد شد حيلك

1- احمد ايام انتخابات الرئاسه كنت انت مطلوب امنيا ايه حكايه القصه دي

2- انت اهلاوي ولا زملاكاوي ولا زملهاوي

3- البنت بالنسبالك ايه

4- والحب هل هو قصه حقيقيه ولا خياليه بالنسبالك

5- لو ابن بلدك في موقف وانت تعرفه من بعيد وعايز مساعده من اي حد هل هتساعده بس ممكن تيجي علي حسابك فلوسك


الليله ليلتك يا ابو حميد شد حيلك

أهلين يافارس ليلتك فل

1- احمد ايام انتخابات الرئاسه كنت انت مطلوب امنيا ايه حكايه القصه دي

ياااااااااااااه انتوا لسه فاكرين

على العموم اللي حصل ياسيدى اني حسيت بوطنيتي وروحت عشان أنتخب

لقيتهم بيقلولي هات البطاقة الإنتخابية

روحت مركز دكرنس جبت البطاقة وجيت اللجنة في البلد ملقتش أسمي موجود

قولتلهم ياجماعة البطاقة الانتخابية دي بتاعتي مسمعوش الكلام

الحقيقة كنت داخل أرشح أيمن نور الله يمسيه بالخير

ودخلت اللجنة لقيت ناس حبايبي كبار في السن

بيقولولي ننتخب مين قولتلهم النخلة

دخلوا انتخبوا فالظاهر ان حبايبنا الحلوييين اللي في البلد محبوش كلامي

ووصلوه للمسئوليين

وجم كلموني بتوع الأمن وخلص الموضوع وقتها

ومشرف اللجنة الانتخابية اتعرف عليا وسمحلي بالانتخاب


2- انت اهلاوي ولا زملاكاوي ولا زملهاوي

يابني الدم أحمر انت بتتكلم في ايه

أهلاوي في الصميم

3- البنت بالنسبالك ايه

البنت بالنسبة لي

الأم والأخت والزوجة والأبنة

البنت ليس نصف المجتمع

البنت هي المجتمع كله

فهي كيان لأمة ، هي روح للحياة

4- والحب هل هو قصه حقيقيه ولا خياليه بالنسبالك

الحب بكل تأكيد هو قصة حقيقية إذا تمت في اطارها الشرعي أي من خلال باب المنزل

واستخدام الطرق الملتوية من أجل الوصول إلى غرض دنئ باسم الحب فهو خيال

الحب لا يصح الا اذا نهايته زواج وعن طريق باب البيت

5- لو ابن بلدك في موقف وانت تعرفه من بعيد وعايز مساعده من اي حد هل هتساعده بس ممكن تيجي علي حسابك فلوسك

شوف أنا هقولك بدون أي رتوش ولا أي تجميل

من شوية بالصدفة البحته واقف في طريق بالرياض قابلت واحد من كفر عيد المؤمن أمام أحد المطاعم

لا تتصور مدى فرحتي بمقابلته لأول مره

أحب بلدي وأهل بلدي جدا

وأتمنى وأسعى للخير دائما لهم فهم الأصل وهم أقاربي واحبائي واللي ملوش خير

في أحبائه ملوش خير في حد

أنا مستعد أساعد أي أحد من بلدنا وفي أي وقت مش انا بس دا كل ولاد البلد كمان

بلدنا كلها رجاله واد المسئولية في اي وقت

وربنا اللي بييسر الأمور للجميع


شكرا فارس على أسئلتك وشكرا تواجدك

[La via]

انا بقا


انا اولا والله بحترمك جدا لان محدش شاف منك حاجة وحشة




اولا بقا

طبيعة عملك اية




2-مين احسن صاحب لك فى المنتدى

3-ساكن لوحدك ولا معاك حد

4- شطبت شقتك ولا لسة

5-مين كان قدوتك فى الحيلة


6-انتا متعصب ولا هادى


7-انتا متعجرف ولا نظم


8-انتا بتقبض كام السؤال دة اخيارى

[ابن مصر]

السلام عليكم ورحمه الله وبركاتو


اهلا يا ابو حميد منور على الكرسى يا صحبى

ارخى اعصابك وخد نفس متقلقش مش هعقدك

دا اسئلتى سهله وبسيطه ومش محتاجه غش

1_ما هى حكمتك فى الحياه؟

2_ما هو هدفك فى الحياه؟

3_متى يقسو قلب احمد؟

4_كيف تواجه من يخطىء فى ابن مصر؟

5_يقال انت (الحقيقه مره)..هل واجهتك المقوله دى؟

6_ما هى سلبيات واجبات احمد ابن مصر ؟

7_حط الاسم المناسب فى المكان المناسب وبدون تردد ولا زعل؟؟؟

_غامض؟؟

_دمه خفيف؟؟

_مرح؟؟

_دمه تقيل؟؟

_عصبى ؟؟

_طيب؟؟

_محبوب؟؟؟

اكتفى بهذه الاسئله وربنا معاك يا ابو حميد

مرضدتش اتقل عليك


ومع تحياتى لك



السلام عليكم ورحمه الله وبركاته


اهلا يا ابو حميد منور على الكرسى يا صحبى

أهلا بيك حبيب قلبي ده نورك ،، محسسني اني قاعد في الكوشة


ارخى اعصابك وخد نفس متقلقش مش هعقدك

رخيينا يامعلم

دا اسئلتى سهله وبسيطه ومش محتاجه غش

الله يستر بس

1_ما هى حكمتك فى الحياه؟

متعة الحياة أن تفعل شئ لم يفعله أحد ولم يتوقعه أحد

2_ما هو هدفك فى الحياه؟

على الناحية الدينية كسب رضا الله عز وجل عني

ارتقاء أعلى منصب اداري على الناحية العملية

بر والداي وأهلي على الناحية الشخصية

تحقيق حياة زوجية سعيدة وتكوين أسرة مسلمة حقا على الناحية الأجتماعية


3_متى يقسو قلب احمد؟

عندما يحدث خطأ أمامي ويتستر عليه الأخرون فأكون جدا قاسيا

حتى أظهر الحق

4_كيف تواجه من يخطىء فى ابن مصر؟

أولا أجلس مع نفسي قبل أن أرد وأسأل نفسي هل أسأت حتى أسمح لغيري أن يخطئ في حقي

وان كان الجواب بنعم عملت على تصحيح خطأي ولا أرد اساءت من أساء لي

أما أن وجدت أحد ما أخطأ في حقي بدون وجه حق

امتصيت غضبه وبأسلوب لبق أرد عليه بدون أن أسب أو أتدخل في أمور أخرى

غير موضوع اساءته

حتى يحمر وجه من الخجل أمام الجميع دون أن يشعر أحد بأني أرد أساءتي

وأجعله يأتي ليعتذر أمام الجميع فيفهموا أنه على الخطأ

5_يقال انت (الحقيقه مره)..هل واجهتك المقوله دى؟

فعلا الحقيقة مرة ومهما حاولت أن تحور أو أن تكذب من أجل أن تتستر على خطأ ارتكبته

ظهرت وفضحت وكان ذنبك ذنبان

خطأك وكذبك

لذا فأنا سواء اخطأت او لم اخطئ

لا اقول غير الحقيقة حتى لو كانت على حساب أمور قد تجعلني في مرحلة متقدمة في عملي

ان تفوهت بالكذب

6_ما هى سلبيات واجبات احمد ابن مصر ؟

سلبيات ابن مصر

* الغربة جعلتني عصبي من مرارة التفكير والبعد عن الأهل

* أحسن الظن دائما في الناس ورأها البعض أحد سلبياتي

ايجابيات ابن مصر

هذا واجبكم فأنتم مرآآه أرى فيها ايجابياتي وسلبياتي جميعا

7_حط الاسم المناسب فى المكان المناسب وبدون تردد ولا زعل؟؟؟

مش فاهم قصدك هل من خلال أعضاء المنتدى أختار

فلنعتبر ذلك

_غامض؟؟

ويب كراكر

_دمه خفيف؟؟

كيوت جيرل

_مرح؟؟

vip

_دمه تقيل؟؟

ابن مصر :)

_عصبى ؟؟

برنسيستنا مش عارف حاسس انها بقت عصبية اليومين دوول

_طيب؟؟

لوست أنجل

_محبوب؟؟؟

السير حماتو

وهناك الكثير والكثير ممن أجد فيهم مزايا وبمثلهم نفتخر بتواجده بيننا

اكتفى بهذه الاسئله وربنا معاك يا ابو حميد

مرضدتش اتقل عليك

خفيف خفيف

منور يالغالي


ومع تحياتى لك

لك خالص احترامي

[la princesse]

يا خبر دنا اتأخرت جدا جدا جدااااا
معلش بقى الظروف حكمت
بس الحمد لله انى لحقتك قبل ماتقوم من على الكرسي
:ongue:

ماعلينا

استنى كده اشرب الينسون وادخل فى المود
:shades:
ايييييوه كده تمام
.
.
.
.

بسم الله الرحمن الرحيم
والصلاة والسلام على أشرف المرسلين والمبعوث رحمة للعالمين
وصلى وسلم على آله وصحبه والتابعين
أما بعد..
ضيفنا الليلة
ضيف لا تقليدي
وأظن أنه من الخطأ أن نطلق عليه ضيفا
فرغم وصوله المتأخر نسبياً إلى الأراضي التيفاوية
إلا أنه قد أثراها بما جعله أحد أعمدة تيفا نت الرئيسية

شخص جمع بين الخلق والوطنية والثقافة والذكاء والنشاط والإتقان وحب الناس واحترامهم
فلم يكن أكبرنا سنا فحسب
فقد سبق نضجه وعقله من يسبقونه سناً

لذلك دعوني استبدل لقب ضيف بلقب أخينا الأكبر
وبالله هو نعم الأخ

أخي العزيز عذراً للإطالة
ولكنني أحببت أن أبين قبساً من مدى تقدير الأعضاء لشخصكم الكريم

ولنبدأ في طرح الأسئلة:

1- صرحت للمرة الأولى بأنك خريج كلية الآداب - طلعنا ولاد عم - قسم اللغات الشرقية...
ففي أي اللغات تخصصت ؟ ولماذا اخترت هذه اللغة ؟ وماذا كان هدفك من دراسة اللغة بشكل عام؟؟

2- من هو أكثر الأعضاء شبها بك؟ وما هي أوجه التشابه؟

3- ماهو أول انطباع أخذته عن منتدى تيفا نت كشكل ومضمون وأعضاء وإدارة؟

4- اذكر لنا شيئا هاماً خسرته وحزنت على فقدانه ولم تستطع استعادته ...

5- ما هي عيوب تيفا نت من وجهة نظرك؟ وماهي عيوب المنتديات العربية ككل؟

6- إذا لم يكن هناك ما يمنع فلتذكر المزيد من المعلومات عن أفراد أسرتكم الكريمة.

7- عرفناك شخصا خلوقاً متسامحاً.. ولكنك إنسان ومن الجرم ما لا يمكن أن تسامح فاعله..
فما هو هذا الجرم؟؟؟

8- من هو مثلك الأعلى على المستوى الإنساني - العلمي - المهني ؟؟

9- ما هو اجمل كتاب قرأته باستثناء القرآن الكريم ؟ وما هو أجمل صوت محبب الى قلبك من مقرئيه؟
10- يقال ان الشخصية هى مجموعة من الصفات التى كونها الانسان من معطيات الحياة وقد يأخذ كثير منا بعض صفاته من الحيوان
سأذكر بعض الحيوانات التى لها صفات مميزة وأترك لك اختيار الشخصية المناسبة لها من شخصيات المنتدى حسب تشابهها مع صفات ذلك الحيوان
الأسد
الثعبان
الفراشة
الثعلب
العصفور
اليمامة
الفراشة
السلحفاة
الجمل
القط
الفهد
الحصان
الزرافة

[فجر الاسلام]

كنت نفسى اشارك فى الاشئلة بس بجد صعبت عليا الناس هنا قايمين بالواجب وزيادة


قلت بقه ادخل اصبح واقول صباااااااح الخير

وان شاء الله لما الضغط يبتدى يخف عليك من كتر الاسئلة ابقى ادخل واقول كام سؤال كده

[الـبرنـس]

ابن مصر الغالى مش هطول عليك نجم

انا كنت غايب عن المنتدى فتره

ولما صديق ليه حبيبى جدا قالى ان انت على الكرسى

حبيت امضى حضور فقط
- من:
ا- الذي يجعلك تفرح؟
ب- يجعلك تحزن؟
ج- تعتمد عليه ؟
د- تثق به؟
ه- تتهرب منه؟
و-تحب رفقته؟
ز-تكره رفقته؟

[3aShe2]

ا صديق ليه حبيبى جدا

انا ده

:bm:

منور يا خالد

شوفت يا عم أحمد خالد راجع على قسم المقابلات عدل

ويلكم باك يا خالد..

[ابن مصر]

انا ده

:bm:

منور يا خالد

شوفت يا عم أحمد خالد راجع على قسم المقابلات عدل

ويلكم باك يا خالد..


ماشاء الله ، دا الواحد يقعدله اسبوع ع الكرسي الأعضاء اللي مبيجوش من سنين هيجوا تاني

[3aShe2]

انته بركة يا أحمد

ابقى خد الكرسى معاك وانته مروح

لوووووووووول...,

منتظرين اجاباتك أصلى بستمتع أوى بالردود على الاسئلة وخصوصا ان كانت رخمة...:bm:

[ابن مصر]

انتظروني في الغد القريب مع اجابة ما أستطيع من اسئلتكم

وكل اللي في نفسه حاجة يقوله ،، أخوكم صدرة واسع ويتحمل :)

[3aShe2]

تنويه:-

تم تمديد زمن المقابلة 3 ايام بناء على طلب ابن مصر

المقابلة مستمرة حتى يوم

30/9/2009
.,
.

[ابن مصر]

اكمل اسئلتي انا بقي معلشي كنت باخد استرحه صغنونه بس

6- ايه موقفك مع اصدقائك لسه ليك كلام معاهم ولا مع سفرك كل حاجه انتهت بالنسبه للاصدقاء الواقعين واصدقاء النت

7- ايه رايك في العشوائيه

8- ايه موقفك من الدنيااا

9- هل مواصفاتك في السعوديه تختلف عن مواصفات في مصر من ناحيه دينيه والدنيويه

10- اخبارك ايه بقي في الغربه والجماعه بتوع البلد اخبارهم ايه


وشكرا يا احمد علي المقابله الجميله دي هي صحيح تامده طحن بس تعمل ايه ما بالايدي حيله

وفقك الله

اكمل اسئلتي انا بقي معلشي كنت باخد استرحه صغنونه بس

كمل ياسيدي

6- ايه موقفك مع اصدقائك لسه ليك كلام معاهم ولا مع سفرك كل حاجه انتهت بالنسبه للاصدقاء الواقعين واصدقاء النت

الحقيقة أنا على علاقة بأصدقاء البلد عبر الاتصالات سواء بالنت أو بالتليفون لأن أغلبهم سافر وانت عارف الغربة بتخلى الواحد مش عارف يتحكم في وقته
لكن من وقت للتاني بتصل عليهم وبشوفهم كل فترة

7- ايه رايك في العشوائيه

أسلوب تفشى في المجتمع ونحصد نتائجه في مستقبل أبناءنا

8- ايه موقفك من الدنيااا

الدنيا بعتبرها ممر بتدخل من باب وبتخرج من التاني ومن خلال الممر في أبواب لحسنات وأبواب للذنوب وكل شئ متاح فبحاول قدر المستطاع ان أحصل على كل مفاتيح أبواب الحسنات وأن أبتعد قدر الإمكان عن أبواب المعاصي والذنوب فتلك هو موقفي من الدنيا

9- هل مواصفاتك في السعوديه تختلف عن مواصفات في مصر من ناحيه دينيه والدنيويه

بكل تأكيد نعم ،، فالسعودية تجبرك على أن تكون ملتزم ، فلا يسمح بالعمل وقت الصلاة و لا يسمح للمرأة بالتبرج والسفور فتساعدك طبيعة الدولة على الإلتزام الديني وهو ما افتقدناه في مصر بشكل كبير

ومن الناحية الدنيوية فإن طبيعة السعودية أنها بلد للعمل فكل ما فيها مواطنين ومقيمين من أجل العمل والارتباط بقانون ومواعيد العمل 8 ساعات يومية فتجري الأيام سريعا ولا تحس فيها الا وقد مضى من عمرك سنين دون أن تشعر



10- اخبارك ايه بقي في الغربه والجماعه بتوع البلد اخبارهم ايه

زي الفل الحمد لله أيام بتمر من عمرنا وكل واحد في شغله وفي منطقة اسمها المنفوحة هي مقاطعة مصرية بكل ما تحمله الكلمة من معنى وأهل البلد معظمهم مجتمعين في هذه المنطقة وكلهم بخير وبصحة وسلامة


وشكرا يا احمد علي المقابله الجميله دي هي صحيح تامده طحن بس تعمل ايه ما بالايدي حيله

ياحبيبي أشكرك على تواجدك وأسئلتك ويارب أكون وصلت للي أنت محتاجة من اجابات

وفقك الله

[ابن مصر]

حبيبى والله وجارى علشان كده أسئلتى هتكون سهلة خالص


وهكون حنين عليك
1- ما أكتر خبر زعلك وإنت فى السعودية عن بلدك ؟
2- لسه فاكر فريق الهلال بتاع الشارع ولا لأ لو فاكر قول قصة حصلت فى ماتش ؟ فكرنى يا عم الحاج .
3- عمك على أبوجاد بيمثلك إيه ؟ والحاج إبراهيم ؟
4- مين أكتر واحد بتحبه فى الشارع ؟
5- أكتر مكان بيعجبك فى كفر عبد المؤمن غير بيتكم علشان أنا عارف الوطنية بتنقح عليك ؟
وكده كفاية علشان مش عاوز أسئلة صعبة عشان بحببببببببببببببببببببببببببببببببببببببببك



حبيبى والله وجارى علشان كده أسئلتى هتكون سهلة خالص

خد نفسك طيب ومتجريش احسن تتعب :)

وهكون حنين عليك

هنشووووف


1- ما أكتر خبر زعلك وإنت فى السعودية عن بلدك ؟

وفاة الدكتور سعيد صبري ووقتها كنت عند صديق سعودي وجاءني الخبر برسالة جوال وجالي صدمة عصبية وانهرت وقتها ، فكان أصعب خبر سمعته وأنا في السعودية

2- لسه فاكر فريق الهلال بتاع الشارع ولا لأ لو فاكر قول قصة حصلت فى ماتش ؟

فاكر يا عم الحاج .

ودي أيام تتنسي

أفتكر يوم جيت أشوط كورة شوطت طوبة وجالي تورم في رجلي والدكتور بهدلني يومها وقالي لا تلعب بعد كده نهائيا في الشارع وبما اني سمعت رأي الدكتور بمجرد ما رجعت من الأصابة نزلت الشارع علطول :)


3- عمك على أبوجاد بيمثلك إيه ؟ والحاج إبراهيم ؟

الله يشفيهم ويقومهم بالسلامة هم بحاجة للدعاء
ومواقفهم معايا جميلة :)

4- مين أكتر واحد بتحبه فى الشارع ؟

الأستاذ سعيد حسن هو أكتر واحد انا متعلق بيه وعلاقتي بيه جدا طيبة وأثق فيه كل الثقة فهو عشرت عمر بيني وبينه

5- أكتر مكان بيعجبك فى كفر عبد المؤمن غير بيتكم علشان أنا عارف الوطنية بتنقح عليك ؟

هههههههه

منطقة الساقية القديمة القريبة من المقابر عارفها انت طبعا كنا بنروح هناك نذاكر وسط الأراضي الساعة 6 الصبح ومنظر الأرض جميل ورائع فده من أجمل الأماكن لقلبي

وتقدر تشوفه على الرابط التالي

اضغط هنا (الرابط لايظهر فى الأرشيف)



وكده كفاية علشان مش عاوز أسئلة صعبة عشان

تسلم ياحمادة ربي يخليك ياجميل ونورتني هنا في المعتقل :)

بحببببببببببببببببببببببببببببببببببببببببك

أنا أكتر

[ابن مصر]

انا بقى عندى سؤال محيرنى
كل ما ادخل المنتدى فى اى وقت مهما ان كان الاقيك موجود ممكن اعرف ليه
انت بتنام كام ساعه
وايه الى يمثله لك النوم
انت حبيت بيتكم الى فى اول الشارع بتاعكم
انا بقى عايزه اعرف فى مبنى قدام بيتكم دا مبنى ايه
كفايه كدا

أهلين ملكة الرحمة

انا بقى عندى سؤال محيرنى

ماعاش اللي يحيرك قولي

كل ما ادخل المنتدى فى اى وقت مهما ان كان الاقيك موجود ممكن اعرف ليه

لأني حياتي روتينية خلال أيام الأسبوع ما عدا الويك اند

شغل بيت شغل بيت وهكذا

وبقدر المستطاع بكون متواجد على المنتدى في الشغل أو في البيت

لأني بحس بوجودي معاكم اني قريب ليكم اكتر وقريب لبلدنا اكتر

وبحس اني في وسط أهلي وأصحابي وناسي

عشان كده دايما تلاقينا متواجد

انت بتنام كام ساعه

غالبا 5 ساعات من الساعة 2.00 صباحا حتى 7.00 صباحا وان زادت بقت 6 ساعات من 1:00 الى 7:00

وايه الى يمثله لك النوم

الراحة من التفكير وانشغال البال

انت حبيت بيتكم الى فى اول الشارع بتاعكم

أكيد بيتنا هو وطني الأصغر وعندي صورة محتفظ بيها هنزلها في رد ده في وقت لاحق ودايما ابص له وأحس بحنيني له.

انا بقى عايزه اعرف فى مبنى قدام بيتكم دا مبنى ايه

المبنى ده اللي لونه أبيض هو منزل المهندس أحمد ابراهيم واللي لونه اصفر امامه بتاعه وعامله مخزن بعد ما كان يملكه رجل اعمال اسمه أبو نصير


كفايه كدا

نورتيني وبانتظار اي استفسار تاني

[ابن مصر]

أنا جيت

الرابط لايظهر فى الأرشيف




*دارت الأيام وأصبحت عضوا فى المنتدى ثم اداريا فى طاقم الادارة ثم ضيفا فى قسم المقابلات فسؤالى لك
ما هو السؤال الذى تتمنى ألا تسأل عنه ؟ ؟ ؟الرابط لايظهر فى الأرشيف

*طموحك في الحياه ,وأحلام حققتها وآخرى تتمناها ؟

*رسالة التى تتمنى ايصالها الى جميع اعضاء المنتدى من خلال هذه المقابلة ؟

*رتب الأوصاف التالية بما يناسبك وبما هو أقرب لشخصيتك:-

حقود - متسرع - عاطفي - خجول - عصبي - عقلاني - كسول - طباخ - ذات علاقات وصداقات - نومه قليل - دبلماسي - متسامح - حساس - خواف - هادئ - كثير المزاح،،

*واخيرا اقول :
رأيك في فكرة قسم كرسي الاعتراف ؟





أنا جيت


الرابط لايظهر فى الأرشيف

نورت البيت


*دارت الأيام وأصبحت عضوا فى المنتدى ثم اداريا فى طاقم الادارة ثم ضيفا فى قسم المقابلات فسؤالى لك

ودارت الأيام ، الله يمسيكي بالخير ياست فكرتني بالذي مضى :thumbup1:

وشوفت أهو تطوير وترقيات وكوسة بقى :010:

ما هو السؤال الذى تتمنى ألا تسأل عنه ؟ ؟ ؟ الرابط لايظهر فى الأرشيف

كم راتبك :)

*طموحك في الحياه ,وأحلام حققتها وآخرى تتمناها ؟

طموحي في الحياة مرضاة الله عز وجل واعتلاء أعلى المناصب الأدارية وترشيح نفسي لمجلس الشعب :)

أحلام حققتها / موضع ثقتي الكبيرة في قلوب كل من عملت معهم

أخرى أتمناها/ تكوين أسرة مسلمة حقا وحياة زوجية سعيدة على أكمل وجه

*رسالة التى تتمنى ايصالها الى جميع اعضاء المنتدى من خلال هذه المقابلة ؟

رسالتي للجميع

أنت هنا لست لقضاء وقت فراغك فعليك أن تتفرغ للمنتدى

المنتدى هو بيتك الثاني ،، هو سبيلك للنهوض بفكرك وعقليتك

هو طريق منير لغد أفضل

قبل أن تكون معنا ثقافتك وتعاملاتك مع المجتمع منطوية ومحدودة

ومن خلال التواصل معنا ستكون انسان اجتماعي تقدر على التعامل مع الأخربن في كل المجالات

اعمل على الرقي بالمنتدى وأنت هنا معنا تلتقي لترتقي

*رتب الأوصاف التالية بما يناسبك وبما هو أقرب لشخصيتك:-

عقلاني -هادئ -ذو علاقات وصداقات -عاطفي - دبلماسي - نومه قليل -متسامح -
متسرع -حساس - كثير المزاح - خجول - كسول -طباخ -عصبي -خواف
والحمد لله لست بـحقود

*واخيرا اقول :

رأيك في فكرة قسم كرسي الاعتراف ؟

كرسي بهدله ياراجل والواحد كده كأنه أمام حبايبنا الحلوين وعمال يقر ويعترف

ومازلت أقول الله يسامحك انت وأميرة انتم اللي خلتوني في الموقف ده :wub:

تحيتي واحترامي على أسئلتك الواقعية

[ابن مصر]

انهارده هكملكم باقي اجاباتي فانتظروني

[ابن مصر]

انا بقا


انا اولا والله بحترمك جدا لان محدش شاف منك حاجة وحشة




اولا بقا

طبيعة عملك اية




2-مين احسن صاحب لك فى المنتدى

3-ساكن لوحدك ولا معاك حد

4- شطبت شقتك ولا لسة

5-مين كان قدوتك فى الحيلة


6-انتا متعصب ولا هادى


7-انتا متعجرف ولا نظم


8-انتا بتقبض كام السؤال دة اخيارى


انا بقا

انا اولا والله بحترمك جدا لان محدش شاف منك حاجة وحشة

أحب الله الذي أحببتني فيه

وده بس من ذوقك

اولا بقا

طبيعة عملك اية

منسق خدمة العملاء بشركة بريطانية بالرياض

لما جلست على كرسي الأعتراف

جتني الترقية

كرسي مبروووووك شكله

2-مين احسن صاحب لك فى المنتدى

السيد المحترم حماتوو

3-ساكن لوحدك ولا معاك حد

ساكن مع أخواتي

4- شطبت شقتك ولا لسة

هههههه ،، لذيذ السؤال ده

ده انتوا متابعني بقا

لسه ياسيدي يلا ايدك في ايدي نبني حلمنا ونشطب الشقة

5-مين كان قدوتك فى الحياة

على الناحية الدينية والدنيوية

لنا في رسول الله القدوة الحسنة

على سبيل العمل

مدرائي بالعمل في المنصورة بمصر وبالرياض بالسعودية


6-انتا متعصب ولا هادى

كنت دايما هادي وبعدين مشاكل وافكار وحياة الغربة بتجبر أي أنسان على انه يكون عصبي

7-انتا متعجرف ولا نظم

نظلم :no3:

الا قولي يعني ايه متعجرف ؟؟ :bm:

8-انتا بتقبض كام السؤال دة اخيارى

بقبض فلوس أه والله

[ابن مصر]

يا خبر دنا اتأخرت جدا جدا جدااااا




معلش بقى الظروف حكمت
بس الحمد لله انى لحقتك قبل ماتقوم من على الكرسي
:ongue:

ماعلينا

استنى كده اشرب الينسون وادخل فى المود
:shades:
ايييييوه كده تمام
.
.
.
.

بسم الله الرحمن الرحيم
والصلاة والسلام على أشرف المرسلين والمبعوث رحمة للعالمين
وصلى وسلم على آله وصحبه والتابعين
أما بعد..
ضيفنا الليلة
ضيف لا تقليدي
وأظن أنه من الخطأ أن نطلق عليه ضيفا
فرغم وصوله المتأخر نسبياً إلى الأراضي التيفاوية
إلا أنه قد أثراها بما جعله أحد أعمدة تيفا نت الرئيسية

شخص جمع بين الخلق والوطنية والثقافة والذكاء والنشاط والإتقان وحب الناس واحترامهم
فلم يكن أكبرنا سنا فحسب
فقد سبق نضجه وعقله من يسبقونه سناً

لذلك دعوني استبدل لقب ضيف بلقب أخينا الأكبر
وبالله هو نعم الأخ

أخي العزيز عذراً للإطالة
ولكنني أحببت أن أبين قبساً من مدى تقدير الأعضاء لشخصكم الكريم

ولنبدأ في طرح الأسئلة:

1- صرحت للمرة الأولى بأنك خريج كلية الآداب - طلعنا ولاد عم - قسم اللغات الشرقية...
ففي أي اللغات تخصصت ؟ ولماذا اخترت هذه اللغة ؟ وماذا كان هدفك من دراسة اللغة بشكل عام؟؟

2- من هو أكثر الأعضاء شبها بك؟ وما هي أوجه التشابه؟

3- ماهو أول انطباع أخذته عن منتدى تيفا نت كشكل ومضمون وأعضاء وإدارة؟

4- اذكر لنا شيئا هاماً خسرته وحزنت على فقدانه ولم تستطع استعادته ...

5- ما هي عيوب تيفا نت من وجهة نظرك؟ وماهي عيوب المنتديات العربية ككل؟

6- إذا لم يكن هناك ما يمنع فلتذكر المزيد من المعلومات عن أفراد أسرتكم الكريمة.

7- عرفناك شخصا خلوقاً متسامحاً.. ولكنك إنسان ومن الجرم ما لا يمكن أن تسامح فاعله..
فما هو هذا الجرم؟؟؟

8- من هو مثلك الأعلى على المستوى الإنساني - العلمي - المهني ؟؟

9- ما هو اجمل كتاب قرأته باستثناء القرآن الكريم ؟ وما هو أجمل صوت محبب الى قلبك من مقرئيه؟
10- يقال ان الشخصية هى مجموعة من الصفات التى كونها الانسان من معطيات الحياة وقد يأخذ كثير منا بعض صفاته من الحيوان
سأذكر بعض الحيوانات التى لها صفات مميزة وأترك لك اختيار الشخصية المناسبة لها من شخصيات المنتدى حسب تشابهها مع صفات ذلك الحيوان
الأسد
الثعبان
الفراشة
الثعلب
العصفور
اليمامة
الفراشة
السلحفاة
الجمل
القط
الفهد
الحصان
الزرافة





خبر دنا اتأخرت جدا جدا جدااااا

كنا هنديكي مخالفة وندخلك اجباري بس قولنا خلينا طيبين ونحتوي بنتنا برضه

معلش بقى الظروف حكمت

بس الحمد لله انى لحقتك قبل ماتقوم من على الكرسي


:ongue:


فرحانه اوي وكأني قاعد في الكوشة :wacko:

ماعلينا

طيب


استنى كده اشرب الينسون وادخل فى المود
:shades:

طيب هاتي شويه وبطلي بخل

ايييييوه كده تمام

ظبتنا الجمحمة الحمد لله
.
.
.

بسم الله الرحمن الرحيم
والصلاة والسلام على أشرف المرسلين والمبعوث رحمة للعالمين
وصلى وسلم على آله وصحبه والتابعين
أما بعد..

ياخوفي من أما بعد دي ،، ربنا يستر

ضيفنا الليلة

ضيف لا تقليدي

أصلي ضمان 3 سنوات :18:

وأظن أنه من الخطأ أن نطلق عليه ضيفا

طبعا صاخب البيت :wub:

فرغم وصوله المتأخر نسبياً إلى الأراضي التيفاوية

كان في زحمة واشارات أعمل ايه بس طرق مصر

إلا أنه قد أثراها بما جعله أحد أعمدة تيفا نت الرئيسية

والله البنت دي بتقول كلام زي الفل

شخص جمع بين الخلق والوطنية والثقافة والذكاء والنشاط والإتقان وحب الناس واحترامهم

بدأنا نجامل ، وكله من ذوقك

فلم يكن أكبرنا سنا فحسب

يعني أد أبوكم وخدوا بالكم من كلمة فحسب دي ،، برنسيسة ضليعه في قواعد اللغة الهندية

فقد سبق نضجه وعقله من يسبقونه سناً

تسلمي يابرنسيسه والله يابنتي ده من أصلك الطيب

لذلك دعوني استبدل لقب ضيف بلقب أخينا الأكبر

أخاف الحكومة تفهم كلامك غلط ونصير اخوان :wacko:

وبالله هو نعم الأخ

تسلم ياجميل

أخي العزيز عذراً للإطالة

خدي راحتك ما أنا أدمنت الكرسي خلاص

ولكنني أحببت أن أبين قبساً من مدى تقدير الأعضاء لشخصكم الكريم

ده قبس من رؤيتنا لتربيتك الطيبة التي أخرجت لنا :042: شخصية قديرة مثلك

ولنبدأ في طرح الأسئلة:

استر يارب ، شكلي اعدام :048:

1- صرحت للمرة الأولى بأنك خريج كلية الآداب - طلعنا ولاد عم - قسم اللغات الشرقية...

حصل

ففي أي اللغات تخصصت ؟ ولماذا اخترت هذه اللغة ؟ وماذا كان هدفك من دراسة اللغة بشكل عام؟؟


تخصصت في اللغة الفارسية واللغة التركية واللغة العبرية كلغة فرعية

بحب المجالات التي لم يتطرق لها أحد - مغامر -

2- من هو أكثر الأعضاء شبها بك؟ وما هي أوجه التشابه؟

أقولك ومتقوليش لحد

واحد اسمها la princesse

صراحة بحس فيكي بدماغ ابن مصر

3- ماهو أول انطباع أخذته عن منتدى تيفا نت كشكل ومضمون وأعضاء وإدارة؟

أنا سجلت قبل ما أشارك بفترة وكنت بدخل أقرأ وأعرف أخبار الناس وبس

وفجأة لقيتني مندمج ضمن أعضاءه وكانت أول مشاركاتي هي بمناسبة وظيفتي الجديدة

حسيت بجد أد ايه الناس دي جميلة وبتحبني وبتحترمني

وده اللي خلاني متمسك بيكم اكتر

4- اذكر لنا شيئا هاماً خسرته وحزنت على فقدانه ولم تستطع استعادته ...

ربع جنية مخروم :bm:


صراحة الشئ الهام ده هو ان استهرت بدراستي في الثانوية العامة

وكانت أمنيتي اني أدرس بمجال الكمبيوتر لكن محصلش نصيب ولكن استعدته

والشىئ اللي فقده ولم أستطيع استعادته أن يحضر

أخي وصديقي دكتور سعيد صبري رحمه الله حفل زواجي ان يسره الله

فرحمه الله رحمة واسعة وأسكنه فسيح جناته

5- ما هي عيوب تيفا نت من وجهة نظرك؟ وماهي عيوب المنتديات العربية ككل؟

من عيوب تيفا أحيانا بيكون تقيل وبيطلع عيني بس بقى خفيف اليومين دوول شوية

وكان فيه شوية عيوب واتصلحوا الفترة الأخيرة ان الله حليم ستار مش عاوزين نفضح هههههه

وعيوب المنتديات العربية وخاصة الخليجية الأهتمام بالمظهر بعيدا عن الجوهر

والاهتمام بالفروع عن الأساس


6- إذا لم يكن هناك ما يمنع فلتذكر المزيد من المعلومات عن أفراد أسرتكم الكريمة.

أنا لي 6 أخوات بنات

2 بمصر ( ليسانس تربية انجليزي - أداب >> منعرفش قسم ايه)
2 بالامارات ( ليسانس تربية انجليزي ومشرفة لغة انجليزية - مشرفة أكاديمي لغة عربية )
2 بالسعودية( مشرفة أكاديمية لغة انجليزية - بكالريوس تجارة)


7- عرفناك شخصا خلوقاً متسامحاً.. ولكنك إنسان ومن الجرم ما لا يمكن أن تسامح فاعله..
فما هو هذا الجرم؟؟؟

المساس بأهلي ومن يزيف الحقيقة ويستخدم الكذب لتضليل أفعاله

8- من هو مثلك الأعلى على المستوى الإنساني - العلمي - المهني ؟؟

المستوى الأنساني

رسول الله صلى الله عليه وسلم فهو معلم البشرية كيف هي الأنسانسة

العلمي / دكتور فوزي الزفزافي - دكتور أحمد هارون - دكتورة هالة - دكتور أحمد شتا

أصدقائي وأسادتذتي بالجامعة

9- ما هو اجمل كتاب قرأته باستثناء القرآن الكريم ؟

لا تحزن للشيخ عائض القرني وأنصح الجميع بقراءته

وما هو أجمل صوت محبب الى قلبك من مقرئيه؟

ممن توفاهم الله الشيخ عبد الباسط عبد الصمد
الشيخ مشاري بن راشد وياسر الدوسري والشاطري من الأحياء

10- يقال ان الشخصية هى مجموعة من الصفات التى كونها الانسان من معطيات الحياة وقد يأخذ كثير منا بعض صفاته من الحيوان

سأذكر بعض الحيوانات التى لها صفات مميزة وأترك لك اختيار الشخصية المناسبة لها من شخصيات المنتدى حسب تشابهها مع صفات ذلك الحيوان

الأسد ،، حماتو
الثعبان ،، ماندوز بس غير سام
الفراشة ،، فجر
الثعلب،، فارس بلا جواد
العصفور ،، شابون
اليمامة ،، أميرة الدموع ولوست
الفراشة ،، مكرر بس نعطيها لأنين الصمت
السلحفاة ، بنت الرياض مكسله اليومين دوول
الجمل ،، كراكر صابر وراضي ومتحمل
القط ،، عاشق واذا غاب لعبت الماوسز
الفهد ، عاشور والسامر
الحصان ، برنسيستنا وريموف دارك
الزرافة ، انا اطول واحدة فيكم اكيد ابن مصر هههههههه

أسئلة لذيذة من عضو ألذ

شكرا طيب الأسئلة مشرفتنا القديرة برنسيس

والى لقاءات قادمة

ابن أم الدنيا مصر

[ابن مصر]

كنت نفسى اشارك فى الاشئلة بس بجد صعبت عليا الناس هنا قايمين بالواجب وزيادة

قلت بقه ادخل اصبح واقول صباااااااح الخير

وان شاء الله لما الضغط يبتدى يخف عليك من كتر الاسئلة ابقى ادخل واقول كام سؤال كده


كنت نفسى اشارك فى الاشئلة بس بجد صعبت عليا الناس هنا قايمين بالواجب وزيادة

يابنتي عادي ولا يهمك احنا جامدين أوي :048:


قلت بقه ادخل اصبح واقول صباااااااح الخير

صباح النور بالليل


وان شاء الله لما الضغط يبتدى يخف عليك من كتر الاسئلة ابقى ادخل واقول كام سؤال كده

تشرفي وتنوري في اي وقت وهنستأذن عاشق في شوية وقت يسيب الموضوع مفتوح شوية كمان 3 ايام

[3aShe2]

وهنستأذن عاشق في شوية وقت يسيب الموضوع مفتوح شوية كمان 3 ايام



تم تمديد فترة المقابلة 3 ايام أخرى
بناء على طلب إبن مصر..,

[ابن مصر]

تم تمديد فترة المقابلة 3 ايام أخرى
بناء على طلب إبن مصر..,


تسلم يالغالي

[3aShe2]

نكتفى بهذا القدر

شاكرين الاخ ابن مصر على سعة صدره وخفة ظله

فى انتظار اختيار ابن مصر لثلاثة اسماء مرشحة للمقابة القادمة..,

[ابن مصر]

شكرا لطيب تواجدي معكم على كرسي الأعتراف

وأحذركم جميعا من الجلوس عليه ففيه من الامكانيات ما يجعلك تقر وتعترف بكل ما تسئل عنه

دون أن تشعر

لكن ولشروط المنتدى

فهي على العين والراس

ولازم أدبس واحد من 3 يكونوا على الكرسي

وهم

1- محمد عاشور
2- Lost angle
3- ملكة الرحمه

وياويلك من أسئلتي ياللي في بالي

بالتوفيق للجميع

[3aShe2]

شكرا للاخ ابن مصر

وإلى لقاء قادم مع الثلاثى المرشح للمقابلة السابعة...,

انتظرونا..,