الشرطة المصرية ...قال إيه وحقوق الإنسان

[onlyme__onlyu]

السلام عليكم يا اعضاءشبكة تيفا

اليوم و أنا بسمع نشرة الأخبار كالعادة يعنى و نفسي أسمع خبر حلو لكن للأسف مفيش الرابط لايظهر فى الأرشيف المهم سمعت خبر يشير الي الشرطة المصرية و أساليب التعذيب المتفشية فيها ,قد يكون نفسيا اكثر مما يكون جسديا منها هتك الاعراض و ضرب علي القفا:18: , و الضرب بالشلاليت :nono: (مصري) و عندما كنت في القاهرة كنت اسمع حجات كده كتير في حق رجال البوليس عندما رأيت 3 شرطيين يضربو شخص ((صعيدي)):yikes3: الله يسامحهم ,وقصدي ان الظاهر ان الحكايه متفشية في المنطقة
فين لجان حقوق الانسان إللى واجعين دماغنا بيها ولا هي منظره قدام العالم عشان امريكا تحافظ علي الدعم ,و إن كرامه المواطن المصري مهمه
وأنا عايز بيعملومهم ايه في اكاديميه الشرطه يخليهم كده حتي تجد كل من يدخل اكاديميه الشرطه يخرج شخص مختلف تماما وتلاقي لسانه بقى زبالة و طباعه بقت سيئه ... لازم يتم التعامل مع الظباط الفاسدين بحزم مثل الفصل من الخدمه و يجب ان تتم مساءله وزير الداخليه اللي مودينا في داهيه ده , وربنا يستر و تسموعوا صوتي تاني أصل مفيش حاجه بتستخبي في البلد دي الرابط لايظهر فى الأرشيف الرابط لايظهر فى الأرشيف الرابط لايظهر فى الأرشيف

ياريت لو تشاركوني الاراء.... و شكـــــرا!!!

استر يارب

[3aShe2]

يابنى ابعد عن الحاجات ديت

ليقولو اننا عندنا مفاعل نووى فى المنتدى

وتلاقى المدرعات عندنا فى الصفحة الرئيسية من الصبح

انت يعنى اول مرة تعرف

على فكره ظباط الامن المركزى وكلية الشرطة دولت بيختاروهم على حسب

غبائهم يعنى الغباء صفة اساسية فيه

مش كلهم طبعا

بس معظمهم

فاكيد كلهم بيكونوا لسانهم زبالة من الاول

وعاوزك تروح تستتخبى عند اى واحد متباتشى فى بيتكم اليومين دول

احسن يييجوا شيدوك من السرير

[Muhamed]

الله يكون فى عون المنتدى بصراحه


شكله هيتقفل عن قريب


ومتنساش يا اونلى لما تتشد تبقى تبعتلى علشان اجيبلك عيش وحلاوه


ولا هتبعتلى ليه منته هتروح ورا الشمس بقه :18:



المهم


اقول وجهه نظرى بقه :shades:


اولا طبعا الشعب المصرى كله عارف ايه هما الامن المركزى


المتعلم يمين



والمش متعلم شمال



واللى يفضل فى النص يبقى هوا الامن المركزى


اما عن حكايه الضباط وما الى زلك


فانا شوفت بالفعل فيديوهات كمان من اللى انتشروا على النت لما يحدث فى بعض اقسام البوليس من معامله سيئه


ولكن ربطها بشكل اخر يحدث وهوا الروتين الحكومى


هتقولولى وايه العلاقه


دلوقتى الموظف اللى فى هيئه حكوميه عمله المفروض انه روتينى ومفيش فيه جديد يعنىخطواته محطفوظه

فالمواطن العادى لما يروح يخلص طلب ولا حاجه يحس ان الموظف ده بارد هوا مش بارد ولكنه مل من الخطوات التقليديه


نفس الحال مع ضباط الشرطه


دلوقتى انته طول الليل والنهار بتتعامل مع حراميه

والحرامى هوا شخص كفيل بالعكننه على اسره بحالها لمجرد انه سرق محفظه شخص

فدول مش هيتبطبط عليهم

فليهم بعض العزر فى الضرب اللى بيضربوه للحراميه دول


انا عن حكايه امن الدوله والمباحث

فلا استطيع ان اتكلم عنهم

لانى ببساطه موضوع هتك العرض ده اشتهر منز فتره على ضباط امن الدوله بالتحديد (فيلم يعقوبيان ابرز دليل)

ومش عارف الناس دى ازاى تكون مصريين ولا مسلمين حتى

هل تجرد الاحساس لتلك الدرجه


يعنى الضرب العادى قلنا علشان ده حرامى ويستاهل والحلاامى نفسه بياكل الضرب ده من الناس لو اتمسك ى اتوبيس ولا حاجه

لكن ما يفعلوه فى امن الدوله على حسب ما اسمع هوا امر يقشعر به البدن


ولا افهم كيف وصلت تلك الطرق المقززه الى ناس هم من تراب هزا الوطن


وفى النهايه


ربنا يستر علينا :)

[عاشق فلسطين]

الله يكون فى عون المنتدى بصراحه

[MafiawwY]

خدوها من قاصرها والغو المنتدى السياسى :)

بس فعلا يا اونلى الكلام دا بيحصل

وبعض الظباط مفكرين انهم اذا عملو غير كدا يبقو ولامؤخذه .... :)

[MohanneD]

اونلى باشا لما يشرف هناك هقولكو هيحصل ايه
هيفتحو درج فيه سكاكين بتلمع
هيقولوا تعالى يا ضنايا اختارلك وحدة
والغلبان يضربولو قضية سلاح وهو مبيعرفش يقشر بطاطس
ع البركة يابنى كويس انه مش سلاح الى
نشوف وشك بخير

[FREEDOM]

اانا هقول رايى بصراحة بس مفيش حد يبلغ عنى

انا فعلا سمعت عن الكلام دة كتير وللاسف بيحصل

انا مش عارف لية دلوقتى لو ماشى محترم تلاقى واحد غلس

جه وثبتك فى الشارع وقالك فين بطاقك فين مش عارف اية

لكن لو سيادتك راكب العربية الهامر بتاعتك معاك البودى جارد

طبعا هيقولك ازيك يا باشا عامل اية تؤمر باى خدمة

افتح الطريق للباشا ياذ انت وهو حتى لو صاحبنا دة

شايل فى عربية طن هيروين ولا هيكلمة

يعنى الباشا اللى وراه ظهر فى الزمن دة هو اللى يمشى

بس انا مهما عملو فيا بردة هفضل محترم مش عشان استريح فى الدنيا ويكون

لا كرامة فى الدنيا قدام الناس وابقى مشهور اتعذب فى الخرة عشن حضراتهم

[عابدة الرحمن]

السلام عليكم ورحمة الله وبركاته
اولا فعلا الكلام دة بيحصل كتير مع ان بلدنا دايما بيقولوا اننا فى عصر الديموقراطية وحرية التعبير
ولكن اى معنى من الديموقراطية يقصدوة الله اعلم وهو ديموقراطية من نوع اخر وهذا النعوع صراحة لا يعنينى بشئ
وهو فعلا الامن المركزى بصفة عامة بيعامل المواطنين المصرين معاملة .................. توصل لحد الخروج عن القانون واقربها ما حدث فى جامعة الازهر وجامعة عين شمس جامعة القاهرة وانهم اعتقلوا الطلاب بملابس النوم
ودخلوا المدينة الجامعية التى تعتبر حرم جامعى وعملوا اللى عملوة وايضا ما حدث فى كلية دراسات انسانية جامعة الازهر بالقاهرة بنات
وعلى فكرة انا اتفرجت كتير على فيديوهات بتصور المعاملة فى الاقسام المصرية المنتشرة على النت
ولكن اية اللى فى ايدينا ممكن نعملة يا جماعة غير ان كل شخص مننا يدخل بيتة ويقفل بابة على نفسة
ويحاسب على نفسة لان بجد اصبحت الاعتقالات شغالة على الاخر
واخيرا شكرا لك اخى الفاضل على الموضوع
ودام جديدك وتقبل مرورى وعلى رايك ربنا يستر علينا