لو ربنا فك عقدتك.. واتخطبتي

[MafiawwY]

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....

1 - الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....


4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة
بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

[la princesse]

ههههههههههههههههه
شدييييييييييييد
حتى انت يا مافياوى
بس انا عايزة اعرف مين دى اللى معقداك اوى كده
:p واضح من كلامك انها تجربة حصلتلك شخصيا :p

[MafiawwY]

هههههههههههههههههه لاء يا حاجه اميره :) حلوه حاجه دى صح
انا بس اللى نسيت اكتب منقول

مشكوره على مرورك

[فجر الاسلام]

ههههههههههههههههه
مع ان بختلف معاك النصائح دى المفروض للرجل مش للانسة
لان المراة مخلوق رقيق ولطيف ويهمها دائما مظهرها امام الناس
بعكس الرجل عنده مبدأ موحد هو
عك وليس كله كويس

[vip]

مع شكرى لمفياوى للموضوع ان يا فجر صو بعك مش زى بعضها مش كل

الستات او البنات رقيقه مش قلهم بيهتم بالمنظر
بعضهم بيهتم بالمنظر بس متعرفيش من الداخل ايه

مش شرط المنظر او الجمال

[لوزة]

ماشاء الله كبرنا وبقينا ننكت اهه
هههههههههههههههههههههههههه

[حبيبه_بسمه]

والله العظيم ما أعرف اقولكم ايه
بس لو كانت مزحة احنا متقبلينها بكل روح رياضيه
بس لو كانت حقيقة فحقيقتكم انتم الصبيه أمر من كده بكثير
ارجو عدم حمل الطغائن لبعضنا البعض
:wub: :wub: :wub:
وده بكل حب و أحترام:36_6_3[1]: :36_6_3[1]: :36_6_3[1]:
طبعا ده شكل الرجل لما ياكل المكرونه :36_1_51[1]:
وده شكله لما يطب ويحب بنوته :36_3_19[1]:
وده طبعا بعد الجواز:36_5_11[1]:
وده لما يكون تعبان طبعا وما فى غيرها تسهر جانبه وتعالجه ودويه:angry:
وده بعد ما ربنا يشفيه ويرجع يفترى عليها بعد اللى عاملته معه :chat10:
:36_6_3[1]: :36_1_42[1]: :aaaahhh: :m_yes1010: :n_no1111:
وده مصيره لو الست دخلته دمخها وانتقمت

اكمل ولا لا ؟؟؟
فى الاخر اقولك انت مش قدنا
ان كيدهن عظيم
فى رعايه الله

[vip]

ياخت حبيبه انا هطر اجبلك صور على البنات بقى ومعملتهم

وموضوه كامل عليهم

[حبيبه_بسمه]

شكر ياأخى vip بس زى ما فى الحلو فى الوحش فى أى من الصنفين
وشكر على الرد ولكنى عايزة اللى يرد عليا صاحب الموضوع

[همسات عاشق]

ايه ياجماعه هدو اللعب شويه
انتو ليه بتعملو كده

شكرا
همسات عاشق

[الـبرنـس]

لاء لاء لاء


ايه ده يا مفياوى


دا الموضوع عايز قعده


وعايز الحج كذا والحج كذا اكبر رو سفى الحته


عشان يلم لك الموضوع



بس تمام ميه ميه


انت طبعا مش محتاج رد منى


لانك طبعا فهمت بقا



مع امنياتى


خالد