مسجد في مصر يفرض غرامة على من يرن هاتفه ،،

[Sir.7amato]

الرابط لايظهر فى الأرشيف



بدأ مسجد في بلدة مصرية فرض غرامة في صورة تبرع قدره عشرة جنيهات
على من ينسى إغلاق هاتفه المحمول قبل دخول المسجد في سابقة قد تعد الأولى من نوعها .

ويعلق المسجد في مدينة العياط جنوبي القاهرة على أعمدته لافتات كُتب عليها "رنين المحمول في المسجد يكلفك عشرة جنيهات تبرعا للمسجد."
ويقول موظف في المسجد التابع لوزارة الاوقاف دفع الغرامة "العشرة جنيهات حرقتني وجعلتني لا أنسى غلق الهاتف."

وأضاف " كنا حتى وقت قريب نسمع رنين الهاتف في شكل أُغنيات لمطربين وأشياء أُخرى بعضها لا يليق بقدسية المسجد . والآن اختفى ذلك كله تقريبا ."

لكن وزارة الأوقاف حذرت من جمع أي أموال دون تصريح رسمي .
وقال الدكتور شوقي عبداللطيف وكيل وزارة الاوقاف لرويترز يوم الاثنين " فرض رسوم أو غرامة يخالف الشرع ولا يتسق مع رسالة المسجد ومن يثبت انه صنع ذلك تتم محاسبته فورا ."

وأضاف أنه لا يمانع في تنبيه المصلين الى ضرورة اغلاق المحمول دون تغريمهم " التبرع لابد وان يقنن عن طريق لجان الزكاة ومجالس الادارات وفي صبغة قانونية ."

masraway

[عيون الحب]

انا شايف انة مش لازم نصدر قانون زي دة
بس هوا واجب ادبي
ومش لازم يبقي التزام قانوني
يفرض علي الناس دفع غرامة
ولازم نحترم قدسية المساجد
ومن المفروض كمان علينا
كمسلمين

[عبدالرحمن م]

قرار فعال لظاهرة بتحصل كتير بصورة مستفزة

أنا مباخدش الموبايل معايا المسجد من الأساس

ربنا يهدى

[محمد الجزار]

دا المفروض تكون حاجة نابعة من الشخص
مش حاجة مجبر عليها بالقانون
هو مجبر عليها بالدين وليس بالقانون

[vip]

مش شرط فعلن ان يكون فى قانون

من الاخلاق انه يقفل الموبيل او اضعف

حاجه انه يعمل سيلنت

[فجر الاسلام]

ممكن قبل ما الامام يقيم الصلاة
يفكر الناس بغلق الموبايلات

مش كل حاجة هنمشيها بقوانين وعقوبات وغرامات

[Muhamed]

ممكن قبل ما الامام يقيم الصلاة
يفكر الناس بغلق الموبايلات

مش كل حاجة هنمشيها بقوانين وعقوبات وغرامات


لو حصل اللى بتقوليه فى ناس هتقفل وناس هتكسل

والنتيجه

ان فى احتماليه واحد على عشره فى المليون ان فى بيت ربنا تشتغل الاغانى

الحمد لله انه على الاقل فى المرات اللى سمعت فيها كانت اناشيد او ادعيه

لكن منكرش ان فى اماكن اخرى بنسمع اغانى شرفيه او غربيه

فهل يرضى احد ان تصدر الاغانى من داخل بيت الله

انا لو من الدوله اشرع قانون يمنع دخول الموبايلات المساجد

الناس ناسيه انها فى بيت ربنا

لو تليفون رن بيقولك العالم ولع ايهما اهم

العالم ولا ربنا !!!!

واحنا شعب من الاخر مبيجيش من العين الحمراء

وياريت الموضوع ده ميبقاش نهايته خناقه والناس متروحش الجامع علشان الغرامه

بس اتمنى بجد ان المفتى يحرم دخول الموبايلات الجامع

فتوى زى كده هتقلل كتير من الظاهره

على الاقل تجبر الناس على التركيز فى الصلاه

منا لو الموبايل حتى صامت واهتز وانا بصلى هفقد تركيزى

[عبدالرحمن م]

بس اتمنى بجد ان المفتى يحرم دخول الموبايلات الجامع

فتوى زى كده هتقلل كتير من الظاهره النتيجة مش هتتغير

برضه الناس هتدخل بالموبايلات على أساس انهم مش هيتفتشوا (ماحدش بيشوف الموبايل اللى فى جيبك)

وأول ما الصلاة هتبدأ ماتعرفش مين فى الجامع اللى بيتكلم الإمام اللى بيصلى ولا اللى بيدعى (إذا ما كنش بيغنى) فى الموبايل

وإصدار الفتوى معناه ان فيه عقوبة للى يخالف ولو بسيطة

وايه العقوبة المرشحة ............... تبرع للمسجد

...........................

والله أنا مقتنع بإن الجامع عمل اللى عليه لما حط لافتة فى كل حته فى المسجد بتقول "برجاء غلق المحمول"

والباقى على ضماير الناس ودى المصيبة

لكن لو هنفكر فى حل آخر فالتوعية هى دايماً رقم واحد (لأن معظم الناس بيكونوا مستهترين أو مش مقدرين المشكلة)

وممكن ولد صغير كده يقف على باب الجامع قبل الصلاة يقول للى داخلين يقفلوا الموبايل (فى مقابل مادى بسيط)

ولما الصلاة تقام يبقى يدخل يصلى هو كمان

[Muhamed]

النتيجة مش هتتغير

برضه الناس هتدخل بالموبايلات على أساس انهم مش هيتفتشوا (ماحدش بيشوف الموبايل اللى فى جيبك)

وأول ما الصلاة هتبدأ ماتعرفش مين فى الجامع اللى بيتكلم الإمام اللى بيصلى ولا اللى بيدعى (إذا ما كنش بيغنى) فى الموبايل

وإصدار الفتوى معناه ان فيه عقوبة للى يخالف ولو بسيطة

وايه العقوبة المرشحة ............... تبرع للمسجد


المفتى لما يقول انه ممنوع الدخول بالموبايلات الجامع او ممنوع

كده الحساب مبقاش فى الدنيا

الحساب فى الاخره

كده يبقى اهل العلم حرموها لما تيجى انته وتغلط عليك وزرك قدام ربنا

العلماء عرفوك انه حرام عايز تدخل بيه خد الذنب

قوه فتوى المفتى انها هتسمع بين الناس

يعنى عارف انك هتقول السجاير

بس متنكرش ان تحريمها قلل كتير من انتشارها

[WebCraker]

صراحة الأفضل عدم اخذ الجوال للمسجد إلا فى حالة الضرورة
ويُفضل جعله فى وضع الـ Flight Mode او جعله صامت
والأفضل طبعا الفلايت مود لأنه بيخلى الموبايل ميستقبلش شبكة
عشان لو رن ولا حاجه الهزاز برضوا هيخرجك من جو الصلاة اللى كنت فيه
إلا لو كنت سرحان بقى ,,