مواقفــ عالقة فى حبالـ الذاكرهـ

[3aShe2]

الرابط لايظهر فى الأرشيف




\


أمسيات شرقنا الدافئة ، عبير البخور الهندى ، و رائحة الصندل ، ورود و شموع و أزهار تحيط بنا




نفس عامرة بعبق ماضٍ بعيد ، و عيون متطلعة إلى غدٍ مجهول







المستقبل اصبحـ حاضر

و الحاضر اصبحـ ماضى

و الماضى اصبحـ ذكرى
صحبة لحظات مغلفة بأرق الأمنيات
ضحكات تطير عاليا حيث بلاد الضباب







تعود بكل جوارحها تنصت إلى آلاف الأبيات الشعرية







أوقاتـ






كلماتـ




لحظاتـ

ضحكاتـ

عِبراتـ
شَكلت مجموعة مواقفـ عالقة فى حبالـ ذكرياتنا
قضيناها فى دهاليز حياتنا ،، أو فى أروقة منتدانا الحبيب
\
/
سويا تعالوا نذكرها بكل الخير ،،
و لنجعلها دعوة للمرح ،، دعوة للفرح ،، دعوة للتفاؤل
لندع الحزن جانبا
ولو للحظات

فكرة وحبيت انقلهالكم







الرابط لايظهر فى الأرشيف

[Muhamed]

الحياه مليئه بالمواقف التى لا تنسى


منها التى تضحكك ومنها من يسعدك وايضا منها المحزن


وبما انك قلت جنبوا الاحزان يبقى نفتكر الفرح والضحك والسرور


طبعا انا عندى مواقف كتيييييييييييير علشان كده شكلى هزور الموضوع ده كتير احكى فيه


وهبدا بزكرى صعب تتمحى لان حصل فيها حدثين مهمين والموقف كان يبعث للضضحك


كان يوم اعلان نتيجه سنه 2 الترم التانى طبعا انا كنت الحمد لله واخد فكره عن النتيجه من الكونترول ودكاتره كنت اعرفهم بس كانت فى ماده مكنتش جبتها


وفى المخروبه اللى انا فيها متضمنش حاجه ابدأ


المهم كعاده الكليه تحرق اعصاب طلابها


فى بدايه اليوم


واح زميلى منه لله اتصل بيا الساعه 6 الصبح وصحى والدى ووالدتى من جرس التليفون ووالدى رد فقله لو سمحت يا عمو صحى محمد ضرورى


والدى كان عارف ان النتيجه قربت تتطلع رسمى


فساله ليه هوا النتيجه طلعت


قاله ايوه واحد زميلى قالى انها نزلت امبارح بالليل


طبعا والدى مش عارف طبيعه الكليه عندنا وان معندناش حاجه اسمها بالليل الا نادرا


لمهم طبعا مقلكمش اتهبدت بمخده فى دماغى علشان اقوم ارد على صاحبى (منه لله)


وطبعا خدت الدش وجربت على الكليه علشان الاقى الشله المحترمه متنيانى على البوابه مستنين البوابه تفتح يجروا يشوفوا النتيجه قبل ما الزحمه تيجى


وجت 7.15


واتفتحت البوابه


وجرينا على القسم


بص يا عم انته وهوا كويس


مفيش حاجه ولا نتيجه ولا نيله


طبعا تعلقت الانظار بمروج الاشاعه


والشرار يطقق من عيننا


بس حظه ان معيد من القسم كان معدى فسلمنا وقال احتمال نتيجتكم تظهر النهارده على الساعه 2




يالهوى 2


واحنا 7.30


هنعمل ايه باقى اليوم


قام واحد ابن حلال قال خلاص نخش حديقه الحيوان(بالمناسبه حديقه الحيوان ملاصقه لهندسه القاهره:18: )


المهم دخلنا وحاولنا ننسى النتيجه وقعدنا نلعب ونهزر مع بعض وفجاه


بعيد عنكم فى وسط الهزار البايخ


ايدد واحد منا اخونا امتدت


و


و


و


و



خبطت فى النضاره






فما كان من النضاره



الا انها


ارتفعت



و



و



و




ارتفعت ايادينا لالتقاط النضاره


و


و



و


و



هدف



النضاره اتشدشت ميت حته(كالعاده معايا)


يا حلاوه والنتيجه هتتطلع


وما ارخم اصحابى


وهتعرفوا رخمين ليه


طبعا على الساعه 2 القسم كله كان جه


وجاء وقت اعلان النتيجه


واستعد الجميع الا انا


فجلست زى البنات


هعمل ايه انا هناك


انا علشان اشوفها من غير نضاره يبقى القى قنبله



افرق العيال


والزق وشى بالزجاج المحيط بانتيجه



تعالوا شوفوا بقه العباقره ومايلى


هما كانوا عارفين انى عارف كل المواد ماعدا ماده منهم


اتفرجوا على الظرف بقه


واحد امتياز

وواحد يقولى لالا انا شفتهالك ج ج


وتالت يقول لا يا عم دى كانت ج واحده


ورابع لالالا دى ض


وواحد تانى اسكت انته وهوا انته نجحت فيها يا محمد ب ل


طبعا كانوا بيتنططوا عليا مهما عارفين انى مش شايف


ما انقزنيش منهم غير مكالمه من ابويا فى ساعتها قالى مبروك جبت فى الماده دى جج والحمد لله


طبعا مقلكمش عملت ايه


وياله كفايه كده


بس كان اللحظه دى سعاده بالنسبه ليا رغم الظروف المحيطه بالحدث نفسه وصعب انسى الموقف ده فى حياتى

[عاشق فلسطين]

لمسه ابداعيه

مشكور يا عاشق الجنة

[3aShe2]

الاخ الغالى مافيا اكس فى انتظار عودتك الطيبة


الاخ العزيز ماندوز انت باه زكرياتك ملهاش حل

وطبعا انا عارف انت عملت ايه فى المادة ديت

اكيد طبعا نتيجتك كانت فيها ( ل ) يعنى سنارة

مش كده

يا ريت تحكيلنا عن ذكريات بقية حياتك

الاخ الغالى عاشق فلسطين مشكور على المرور الكريم

فى انتظار ذكريات باقى الاعضاء



:icon26: :icon26:

[فجر الاسلام]

الحقييقة هى الذكريات كتيييييير اوى
بس انا دلوقتى هقولكم ذكرى كانت بدايتها هزار ونصها زعل واخرها اعتذار
كل واحد فينا له مجموعة اصدقاء
انا الحمد لله مجموعة اصدقائى كلها معايا فى الفصل ما عدا واحدة فى الفصل اللى امامنا
فكان ما بين الحصص دايما كانت صحبتنا دى تيجى اصل احنا فصلنا عدده كمان صغيرعندنا لغاية اما المدرسين يجوا اصل فصولنا فى الدور الرابع وكانوا المدرسين بيطلعوا ميتين
المهم كان فى واحدة معانا فى الفصل كانت جايبة الاسبراى اللى هو بيطلع رغاوى صابون زى اللى بيتباع فى دريم بارك وكنا فى حصة احتياطى وكانوا كلوا عمال يرش على التانى ومفيش حد قدر يرشنى
فطلبت من صاحبة الاسبراى اللى انا اخده عشان اعمل مقلب فى صحبتى اللى هى فى الفصل التانى اما تيجى فى الدقائق اللى بين الحصص ووافقت
وجت صاحبتى وقبل حتى ما تدخل الفصل وفجاة رحت رشيت عليها الاسبراى وفجاة لقيت مدرس الحصة امامنا واقف بس لسه مدخلش رحت صحبتى صوتت وراحت على فصلها واصحابى قالوا لى حرام عليكى هى بتعيط وقالوا لى هى اصلا اما حد يخضها بتعيط بس انا والله مكنتش اعرف ان هى كده جت ارحلها عشان اتاسف لها لاقيت مدرسنا دخل قلت خلاص قلت ارحلها بعد الحصة دى يعنى فى الفسحة
لاقتها لسه بتعيط واتنرفزت وزعلت منى بالرغم اللى انا اتاسفتلها فضلت تزعق وتعاتبنى بصوت عالى
لدرجة اصل هى عصبية رحت انا زعلت من صوتها العالى ده وسبتها ومشيت راحت هى جريت ورايا وقال يعنى بتصالحنى وراحت رشتنى بالاسبراى رحت عاملة انا فيها تقيلة وطنشتها ولكن بسبب عصبيتها دى الكل زعل منها وقال لها هى بتصالحك تزعقلها وتزعليها طيب عتبيها بس مش بالاسلوب ده
وتانى يوم كعادتى دائما بوصل المدرسة بعد الحصة الاولى بس الحمد لله انا بطلت العادة دى
انا رايحة على فصلى وفى نفس الوقت هى طالعة كعادتها بين الحصص على فصلنا شافتنى وحضنتنى واتاسفت كمان واتفقنا اللى انا لو حبيت اعزل مقلب فيها اقولها الاول ههههههههه اتفاق غريب
وللحديث بقية

[قمر الليالى]

الرابط لايظهر فى الأرشيف


انا هحكلكم على موقف لسة حاصلى من اسبوع مثلا وعلى الموقف دة فضلت اضحك اليوم كلة :

فى واحد ابن حلال من المنتدى وربنا يجازية خيرا ان شاء اللة كنت بكلمة وقولتلة انى عاوزة انزل نسخة ويندوز فهو متترددش ثانية واحدة وجابلى اسطوانة عليها نسخة للوينوز وانا الصراحة يعنى مبعرفش اصلا انزل حاجة بس حطيت الاسطوانة فى الجهاز وانا اول مرة طبعا انزل بنفسى نسخة ويندوز
وبعد كدة حصل
؟
؟
الصراحة مش عارفة حصل اية
انا كان بيجيلى اختيارات وانا كنت بختار بمزاجى ماشى وبعد كدة الحمد للة نسخة الويندوز نزلت
ولما كانت النسخة بتنزل اخت جوزى كانت جتلى وعاوزة تعد على الكمبيوتر لانها حطة حاجات لنفسها على الكمبيوتر فقلتلها تستنى وبعد ما النسخة نزلت فتحنا الكمبيوتر وحصلت المفاجئة

وعلى فكرة كان ابنى هو كمان قاعد مستنى علشان طبعا يتفرج على الكارتون الى بيحبة
وعلشان مطولش عليكم اقولكم المفاجئة الى حصلت
لقينا
؟
؟
لقينا برتشن الدى كلة ممسوح ومفيش غير البارتشن بتاع السى بس

طبعا انا مش عارفة اقولكم اية الى حصلى منهم الاتنين قعدم يحدفونى بكل حاجة قدامهم وانا فضلت اضحك طول اليوم وكل ما افتكر قعد اضحك لحدما اموووت من الضحك

بس انتم عارفين الى كنت انا مرعوبة منة بسبب الحكاية دة اية ان جوزى واضع اشياء كتيرة جدا للاهلى من ماتشات لصور لبطولات وهكذا وهو متعصب جدا للاهلى فالصراحة انا كنت مرعوبة منة ولما جة انا مقلتلوش بس ابنى ربنا يخلية ليا فتن علية وخدت طريحة تهزيق محترمة جدا :bm: :bm: :bm:
بس الى هداة انى افتكرت ان اخويا كان واخدكل حاجة الاهلى قبلها بيوم فقلتلة انى هجبهملة تانى

بس كان بجدموقف رهيب ربنا ما يوريكم


بس للاسف لحد الان انا مش عارفة اعرف الصوت لان انا مش معايا الاسطوانة

والبقية تتاتى ان شاء اللة
اترككم فى رعاية اللة وامنة

ممكن بقة يا استاذ احمد تقولى انت ذكرياتك الجميلة
انا مستنية اشوف ذكرياتك

[3aShe2]

قمر الليالى
مرور كريم


موقف لا ينسى


اما عن زكرياتى

فانا لى موقف لا انساه

كنا فى رحلة فى القاهرة مع بعض الاصدقاء:ongue: :ongue:
والمهم واحنا راجعين فى الطريق . بعد انتهاء الرحلة ...
السواق بتاع الاتوبيس شكله كان مخدر..:wacko: :wacko:
عمك الحج بدل ما يدخل بينا على طريق المنصورة علشان نروح
دخل بينا على طريق اسكندلرية ... :thmbdn: وبعد ما مشينا نصف ساعة فى الطريق
واحنا طبعا كلنا تعبانين:nono: .. نصفنا نايم... والنصف التانى بيرخم على النايمين..:shutup: :shutup:
المهم واحد صاحبنا .. بيحب يجلس بجوار النافذة.. وهو الى اكتشف ان الطريق غلط وقال فى نفسه احنا راحين فين يا جدعان ... وصحانا كلنا .. واكتشفنا اننا راحين اسكندرية واطرينا نرجع الطريق كله .... وكان يوم ما يعلم به الا ربنا..
ووصلنا متاخر حوالى ساعتين .....:18: :18: :18:





.

[FREEDOM]

بسم الله الرحمن الرحيم


انا بقى يا جماعة كنت بتمشى انا وواحد صاحبى بالليل

وماشين على الكوبرى ومزاجنا مية مية وطبعا كنا جايبين اكنا معانا
:bc:
اصل مينفعش نمشى من غير اكل المهم كنت ماشى انا وصاحبى دة

:sweety:
لما زهقنا بقى من المشى قلنا نروح بقى واحنا مروحين فجأة لاقيت ايد واحدة مسكتنى من كتفى
:aaaahhh:

وانا حاسس انها لسة معلمة فى كتفى لغاية دلوقتى المهم لما مسكتنى من كتفى دورت وشى (وجهى)

:015:

فببص لاقيت بنت فى سنى كدة واقفة مع امها وبتقولها هو دة يا ماما وعينيك متشوف الا النور بقى
:094:
:050:

مش ضرب طبعا لا شتيمة وتهزئ والمهم فى الاخر البنت تقول لامها مش هو دة يا ماما دا واحد تانى
:017:
وقلتلى معلش اصل قميصك شبة قميص اللى احنا عايزينة فبحسبك هو قلتلها ولا يهمك
:songs1:
طبعا انا كان ماشى معايا صاحبى اللى كان بياكل طبعا دة بيحب يضحك كتير وابقى اسلو عاشق
:e_braces22:
بس انتوا مش عارفينة الواد صاحبى دة بقى كرهنى فى حياتى فضل يضحك عليا من اول الطريق لغاية بيتنا
:mad:
وانا ماشى مخنوق كن هاين عليا اقتلة بس مينفعش عشان كان شايل الاكل بتاعى
:001:
دا بقى موقفى اللى مش قادر انساة

[tota]

ههههههههههههههههههههه


تعيش وتأخد غيرها يادموع الخشية



بقة كنت عايز تقتل صاحبك عشان قعد يضحك


شكلك كدة كمان هتبقة عايز تقتل المنتدى كله


ههههههههههههههههههه

ههههههههههههههه

هههههههههه

ههههه

ههه

[Muhamed]

قصه جديده من قصص عمو ماندوزز وحياته الحافله بال..........



هوا كان يوم باين من اوله اصلا


يوم اغبر كده بعيد عنكم


المهم المفروض فى اليوم ده كان ميعاد خروجه مع اصحابى فى وسط البلد

يعنى نخش سينما ونتمشى شويه واحتمال نركب مركب فى النيل


يعنى خروجع عاديه يعنى


واتفقنا هنخش حفله 6


طبعا كعادت السينمات الفيلم بدأ 7 وخلص 9.30 تقريبا


خرجنا اتعشينا فى مطعم جنب السينما

واتمشينا كتير على النيل

وقررنا ناخد مركب وضخكنا ولعبنا واستمتعنا يعنى


حلو


كل اللى فات ده حلو

اللى مش حلو بقه هوا اللى جى


لما خلصنا كل ده وجيين نروح بقه

كانت الساعه كام يا حلويين

انا وصلت بدايه الطريق لبتنا الساعه 2 بالليل


طبعا احب اشرحلكم طبيعه المنطقه اللى انا عايش فيها وطبيعه سكانها


الناس عندنا بقه عقبال عندكم كل واحد مربيله كلب صايع


يخرج بالليل


والله ما عارف الكلاب دى بتبقى فين بالنهار

(شكلها بتكون بتستربح من ورديه بالليل)


المهم


نزلت من الميكروباص

بدأ اتمشى فى الطريق المؤدى الى بيتنا


الاول صحيح فى نوعين من اكلاب الكلاب البشوات اللى بتقعد قدام البيوت وبتهزر ديلها


وكلاب ....... صايعه فى الشوارع عاملين زى عساكر زمان بتوع ها مين هناك


المهم


(قليلين عارفين انى عندى عندى اصلا من الكلاب بس اديكم كاكم عرفتوا)


فى بدايه الطريق

وانا مارر بجانب واحد من النوع الاول


بلعت ريقى

وقعدت أفكر فى اى حاجه لانى عرفت ان الكلاب بتشم الخوف

مش عارف تقريبا بتحس بزياده نسبه الادرنالين فى الجسم


مش مهم

المهم بقه ان لحظات عبورى للمنطقه اللى الباشا نايم قدام البيت بتاعها


بصيت فى السما وفكرت فى اى حاجه وبلعت ريقى وعديت

مقلكمش طبعا انى سمعت زمجره من تحت لتحت بعد ما عديت مباشره


بس ربنا هدانى ومخلنيش اجرى او التفت وابص فى عينه

(صحيح برضه محدش فيكم يجرب يبص فى عين كلب ميعرفوش)


الحمد لله


عدا الكلب على خير


بس لسه شويه على البيت


ايه ده


ايه اللى جى هناك ده

:039:


7 كلاب


وايه


سادين الشارع


قلت خلاص


انا ضعت


طبعا مقلكمش شعرت بايه فى الدقيقه دى اللى انا شايفهم فيها جايين


ومش عارف اقف


ولا اجرى

ولا اتهبب اعمل ايه


(ربنا ما يوريكم)

:wacko:


قضاء ربنا

ولطفه بيا


ان واحد من اعمامى الله يكرمه


كان جاى متاخر من شغله بالعربيه


اولا انا حمدت ربنا ان سمعت عربيه جايا من ورايا


قلت بقى فى امل فى النجاه من مدبحه القلعه اللى جايه دى


ورقصت لما عرفت انه عمى


والحمد لله الليله عدت على خير


ربنا ما يوقعكم فى اللى كنت فيه :bm:

[قمر الليالى]

هههههههههههههههههههههههههههههههة
هههههههههههههههههههههههههههههههه
حلو قوى يا ماندو
هى كل حياتك كدة مغامرات ولا اية

[tota]

ههههههههههههههههههههه

هههههههههههههه

ههههههههههه

الحمد لله إن ربنا بعت عمك فى الوقت المناسب يامندوووز

كان زمانك متقطع حتت حتت دلوقتى

ههههههه

[la princesse]

ههههههههههههههه:18:
احسن :054:
ادى اخرة الاقترا
دانت لسه ربنا هيوريلك :017: