اعرفي خطيبك بدري بدري من طريقة اكله

[ايناس]

دي شويه نصايح عشان تعرفي خطيبك في ايام
الخطوبة لما تعزميه عندكوا

و انتى قاعدة معاه بتاكلي لاحظي طريقة اكلة
هيقول بتحسبي عليه الأكلة بس ده مستقبل يا بنتي
:
يا لا نشوف النصايح بقى :

إذا كان عادي يعني لا بياكل بسرعة ولا ببطء
ولا دايمًا شبعان ولا

مفجوع على طول.. يبقى شخص معتدل في عواطفه

وقراراته ويبقى ده آخر

الرجال المحترمين..

كلبشي.. واستعجلي الزفاف والحياة هتبقى بمبي

إذا كان بيحب الأكل زي عينيه.. وأول ما يدخل
من الباب وقبل ما يقول لك ازيك يقول لك ريحة
التقلية تجنن ياروحي إنتوا عاملين ملوخية على
أرانب؟؟.. أموت أنا.. ويقعد ياكل ويحشر لحد ما
يغمى عليه..

يبقى

إنسان طفس.. وهوائي.. وطايش.. وأوعي تتجوزيه أحسن
ياكلك وانتي نايمة....؟؟

أما إذا كان مش مهتم بالمرة.. لايقولك ده حلو
ولا ده عادي ولا مالح ولا مستوي ولا لسه ني
ولا بيعلق أي تعليق.
. وعمره مايقولك جعان أو شبعان

يبقى إنسان مالوش لزمه.. وزي قلته.. وأنصحك بدل
ما تتجوزيه إتبنيه..

وهاتعيشي إنتي الراجل والست ف وقت واحد واعملي
حسابك هاتركبي
وتدلدلي رجلييكي

أما إذا كان بياكل زى مايكون حد بيجري ورااااه
وساعة الأكل بيجيله حالة صرع معوي.. ويقوم من ع
الأكل قبل أي حد تاني.

يبقى متسرع.. ومتهور في اتخاذ قراراته وممكن بعد
الجواااز يكتشف

إنك لست ملهمته..ولست فتاة أحلامه ولستِ حلمه..
ويروح
مطلقك بالتلاتة..

إخلعي إنتي بدري أحسن لكرامتك

أما إذا كان بياكل على مهله.. ويمزمز.. ف كل
صنف لوحده.. ويسأل عن كل صنف إيه مقاديره
ومعمول إزاااي
ويقعد يستطعم ف الأكل من العصر للمغرب .

حاسبي منه يا اختي ده النوع اللي له مخ..
وبيوزن الأمور بطريقه تفقع المرارة.. ولو في يوم
طلبتي منه يقولك كلمة حلوة هايقولك مش عامل

حسابي ويقعد يفكر 3 سنين وبعدين يقول لك بحبك
ويقعد يشوف وقعها عليكي إيه؟؟

نظااااام شلل رعاش

بدري.... بدري....

إخلعي يا أمي

أما إذا كان بيقعد يقطع ف الأكل زي مايكون ف
خناقة ويخبط ف الطبق من الغل..
ويقطع حتة اللحمة زي ما يكون بيدبحها.. ويتفتف..
ويتكلم.. طول ماهو بياكل لما يغرق وشك أكل..

ده شخص عصبي جدًاااا.. ومع أول خناقة هايروح
مناولك بالكرسي ف راسك أو بالسكينة ف عينك يعمل
لك عاهة مستديمة وبعدين.. يهدى.. ويقول لك:

سوووري يا روحي هي جت فيكي.. ماعاليش"

ماعاليش برَّه يا حبيبي وخد الباب ف أيدك

أما إذا كان دايمًا قرفاااان دايمًا مش عاجبه
العجب ولا الصيام فى رجب

الملوخية تقيلة.. ياي.. السمنة كتيرة على وش
الشوربة.. ياساتر.. دا محشي ولا صوابع مووووز..
أووووف.. الرز محصويل.. يامَّه المكرونة معجنة..

إذا كان كده توكلي على الله وهاتي أحمى
ساطووووور عندك وأنا أعرف لك

واحد محامي هايطلعك منها زي الشعرة م العجيييين
(مش انا دي الي كاتبه الموضوع اسلوها على
تليفون المحامي )

يعيني على الرجالة

والأحسن من ده كله

مالها القعدة ف بيت أبووووووووكي؟؟

__:011:._:011:,_.:011::011:___

[قمر الليالى]

على كدة البنات مش هتلاقى راجالة يتجوزوها
لان كل الانواع متنفعش
بس الحمد للة على الحال الى احنا علية

[ايناس]

مكن النوع الاول ينفع اووووي بس المشكلة انة مش موجود الايام دي كتير وهدوخي علي ما تلاقية
وشكرا علي مرورك
وربنا يوفقك

[الطيب احسن]

اااااااااه انتو بطبقو المثل اللى بيقول ان الطريق للراجل معدته
بس خلى بالكو ان التصرف عند الاكل حاجه تانيه
يعنى متجوعوش الراجل وتقولى احنا بندرسه
هههههههههههههههههه

[MafiawwY]

ازاى يعنى مش ............ اذا كنتو بتحبو النوع الاول يبقى يبقى يبقى .......... :shutup:

انا هقلكو النوع دا فين هوا معانا فى المنتدى دا اوكى ........ وهوا شارك فى الموضوع دا ... اكيد عرفتوه ......

وكمان بيحب التصميم ............. أكيد عرفتونى ........ أقصد عرفتوه :cupidarrow:

بس هوا كمان عاوز ( واحد/ه ) بنفس المواصفات الاولى :as:

يلا اللى يلحق :bm: :bm:

[ايناس]

MafiawwY (الرابط لايظهر فى الأرشيف) vbmenu_register("postmenu_16989", true); انت متأكد انك من النوع الاول؟؟؟؟؟؟؟ياريت

[3aShe2]

انتوا تسيبوكوا من الملوخيه بالارانب الى انتم طابخينها دى


وتاخدوا بالكم من الجملة دى




والأحسن من ده كله

مالها القعدة ف بيت أبووووووووكي؟؟





هى دى الى ليكم فى الاخر

:bm:

[ايناس]

ياعاشق الجنة المرأة جنة الرجل في الدنيا وبرده عادي خالص القعدة في بيت بابا معززين مكرمين لو مفيش حد عاجبنا عادي خالص!!!!

[3aShe2]

القعدة في بيت بابا معززين مكرمين لو مفيش حد عاجبنا عادي خالص!!!!


لو مفيش حد عاجبكم

ليه ان شاء الله

مالها الصياعه فى الشارع :18: :18:

بلا خطوبه بلا جواز بلا وجع ددماغ

:010: :010:

[ايناس]

احنا نقدر برده ؟! انتم الحنان والامان والطيبه والحب كله
مش كده برده ولا اية؟؟؟؟؟؟؟؟


:011::011::011::011:

[3aShe2]

احنا نقدر برده ؟! انتم الحنان والامان والطيبه والحب كله
مش كده برده ولا اية؟؟؟؟؟؟؟؟


اسمع كلامكم اصدقكم

:wub:

اشوف افعالكم استعجب
:017:

[ايناس]

انت صدقت ؟؟؟؟انا بهزر:017::017:

[3aShe2]

انت صدقت ؟؟؟؟انا بهزر:017::017:


يا نهار يانهار


مش قلتبكم اشوف افعالك استعجب

ياريت مش تهزرى تانى علشان انا بصدق
:wub: :wub:

[اسير القلوب]

ايناس:انا مش لاقيه اي حاجه متطابقه عليا

[الـبرنـس]

ايناس:انا مش لاقيه اي حاجه متطابقه عليا


الزاى يعنى مش لاقيه دورى تانى


وعيدى تانى


والاعاده افاده يا باشا


ولما تقرئى وتركزى فى الكلام


هتلاقى باذن الله

وقولى وجه نظرك من جديد


يله سلام


خالد

[vip]

الزاى يعنى مش لاقيه دورى تانى

[vip]

ايه يجماعه البنات هتعمل علينا مراقبه

واحنى بناكل كمان هيرقبونا بقى لا انا مش

هاكل قدام خطيبتى تماما ولما اقبلها هكون صائم

عندا فيها ويريت ترحمو الشباب شويه

[ايناس]

ايه ياvip انت مستني علي ما الفاس تقع في الراس وبعدين تنصدم فيك بعد الجواز ولا ايه النظام؟

[قلب كاد ان يصبح لاشئ]

هههههههههههههههههههههههه

موضوع جميل جدا

[SHeetOs]

اه ده معدة ايه

الحمد لله انا شبعان

وباضيها سندوشات يباه ايه

[كريم يتحدى الملل]

طب والله كويس يا ايناس انا هحاول اول مخطب مكلش باى طريقه من الى انتى قلتى عليها بس المشكله انى مش هعرف اكل خالص قدام خطبتى لانك مسبتيش طريقه اكل والا جبتيها
(ميعجبكمش العجب)

[كده تمام أوى]

آخر الرجال المحترمين

ولا تعليق


بس بعرف أجامل كويس أوى :icon26: بس :icon26: بعرف أقول ده حلو وده وحش