التفكير قبل النوم خطير جدا ..!

[دلوعة الخليج]

السلام عليكم ورحمة الله وبركاته،،


مرحلة التفكير قبل النوم من أخطر الوسائل السلبية على الإنسان :


لذااا ... راقب نوع تفكيرك قبل النوم ..


هذا موضوع مهم جداً جداً لحياة الأشخاص النفسية

وبالذات التفكير قبل النوم وبعد الإفاقة في الصباح

ومهم جداً معرفة.. هل يستحوذ على الشخص التفكير الإيجابي

أم السلبي ؟؟؟

لسبب قوي جداً جداً وخطير....!!!!

لأن الأحساس بالإحباط أو الاكتئاب أو عدم القدرة على مواصلة

أي عمل أو دراسة بحماس ...

سببه هو البرمجة الذاتية الداخلية في عقل الإنسان اللاوعي

نتيجة ما أختزنه من الماضي أما سلبياً أو إيجابيا..

وقوة البرمجة الايجابية والسلبية نسبية من شخص إلى آخر

بحسب ظروف الإنسان وشخصيته وبرامجه العقلية

فمجرد فهم الأفكار السلبية وأسبابها " موقف مؤلم ,

تربية خاطئة ، ضغوط نفسية من العمل " وغيرها

من الأسباب التي تؤدي إلى :

1ـ توتر في بادىء الامر

2 ـ ومن ثم التفكير الدائم بالموقف المؤلم

3ـ أستحضاره ليلا ومن ثم أشغال العقل اللأواعي إلى الصباح

" بالرغم من أن الإنسان نائم ولكن عقله لاينام بل مشغول بالموقف الماضي "

4ـ ثم الوصول إلى الخوف والرهاب الأجتماعي ..

5ـ ثم الوصول إلى عيادة الطبيب النفسي

وهذا كله فقط بسب البرمجة الذاتية السلبية ..

6ـ فيجب فقط القضاء على مجرد التفكير السلبي

وأبداله بالتفكير الأيجابي بالطريقيتين الراائعة..


الطريقة الأولى :

هو التفكير بالاهداف المستقبلية

الجميلة كالتالي :

1ـ كتابة الأهداف الرائعة التي تود تحقيقها "

أهم هدف في حياتك " أكتبه أسمك في ذيل الورقة وهدفك في أعلى الصفحة ..تجد

أن المسافة قريبة جداً

3 ـ التخيل بإن الهدف قد تحقق بكل ألوانه وأحجامه ..

ومصاحبة المشاعر الرائعة وكإنها تحققت بالفعل ..

وتنفس بطريقة عميقة جداً و إملاء الرئتين بالأكسجين المجاني ...

4ـ من ثم سيكون رائع بأن تخلد للنوم وآخر تفكيرك هو

النجاح في تحقيق هدفك ستصحو..

مرتاح ومتحمس ونشيط بقوة بالله.. لذا التوكل والاستعانة

بالله من أهم الأسباب في تغير النفسيات إلى الأفضل .


الطريقة الثانية :

طريقة تذكر المواقف الجميلة في حياتنا والتي كان لها تأثير قوي على نفسياتنا ..

1ـ الأسترخاء في مكان هادئ ومريح ..

2- أستحضار موقف رائع من المواقف الماضية " النجاح

في مرحلة من مراحل الدراسية, النجاح في تحقيق هدف كبير ,

النجاح في مساعدة أي, النجاح في تحقيق هدف لأنقاذك من

مأزق أو لمشكلة كانت كبيرة .. وهكذا " باختصار الشعور بأنتصار ساحق "

3ـ التركيز على الموقف الإيجابي وتكبير الصورة بالتخيل

أو تقوية الأصوات المصاحبة لها " إذا كان الموقف يذكرك

بأصوات التشجيع والمدح والتصفيق وغيرها .."

4ـ إذا كان آخر تفكيرك لك قبل النوم هو .. أستحضار الموقف

الراااائع ؟؟ ستصبح بقوة الله بنفس المشاعر الرائعة ..في الصباح ..

5ـ ستغير المشاعر السلبية الماضية إلى إيجابية

ويتحول السلوك إلى الأفضل وبشكل رائع.







وانشاء الله تستفيدون من ها المعلومه

[كريم يتحدى الملل]

هوه موضوع شيق ومهم فعلا بس الغريب انى فى حجات مش بايدها فى الموضوع وهوه انى ارسم قصر من ذهب واول ما اصحى من النوم القيه كوخ من الحجاره انا قبل مبنام اليوم بتاعى بيمر قدامى زى شريط بيمر قدام عينى بحاسب نفسى وبشوف اذا كنت زعلت حد منى من غير ما اشعر او حد قلى كلمه وانا مهتمتش والكلمه دى معناها كبير ويدايق او حد مثلا اذيتو من غير ما اخد بالى وبشوف الاخطاء وبحاول مكررهاش وبجدا انا ببقى مرتاح اوى اول مبحبب الامور فى فتره قبل النوم لانى بحلل كل شى بحبب شخصيتى وبحاول اشوف عيوبى واقللها يعنى حجات كده واتمنى انى اكون على صواب

[كريم يتحدى الملل]

انا قصدى مش بحبب انا قصدى((بحلل)) اسف اصلى حرف(ل) تقل عندى حبه ونا متعود اكتب بسرعه

[ايناس]

بجد الموضوع جميل جدا ومفيد جدا

والكلام جميل جدا ومشجع بس زي ما قال كريم مش واقعي يعني مش ينفع ان يكون موضوع شاغل بالي
وبمجرد اني اقول لنفسي الكلام دا الموضوع يتحل او اني مش اضايق

وبصراحة الواحد لما بيكون مضايق من حاجة مش بيجي في باله اي مواقف ايجابيه خالص والدنيا كلها بتبقي مقفله

بس ان شاء الله نحاول نجرب الطرق دي وتجيب نتيجه كويسه ان شاء الله

وربنا يبعد كل شر عن كل المسلمين

وشكرا علي الموضوع الجميل دا

[vip]

انا بصراحه قبل اما انام بر سم قدامى كل حاجه


اليوم كله من اول ما قمت حتى لو اى حد اتكلم معايا


بفتكر انا قلتله ايه او زعلت اى احد كدا بشوف اخطائى


او اى شىء فعلته ممكن اصلحه وبفكر فى تانى يوم


هعمل ايه واروح فين وعما اعتقد اى انسان كدا

وكل انسان بيحلل يومه بنفسه بدون ايراده

وربنا يسطرها معانا

[الطيب احسن]

والله يا جماعه انا لازم بفكر قبل مانام
بس بقدر الامكان بخلى فى تفكيرى شئ واحد بس
يعنى مبشتتش تفكيرى
وده اعم حاجه انك متشتتش تفكيرك
وبكده هتعرف تنام
احـــــــــــــــــــــــــــــــــــــلام سعــــــــــــيده

[Egyptian prince]

المشكلة لما يكون الواحد عنده امتحان مثلا تانى يوم وفى مادة صعبة بيفضل يفكر طول الليل فى المادة دى ويلاقى نفسه يحاول يفتكر معلوماتها ويقلبها فى دماغه......انا المشكلة كانت ولازالت عندى ومش لاقيلها حل



اعتقد انك تعرفنى يا عم (الطيب احسن).....مش كده؟؟ :thumb:

[totaaaa]

شكرا جدا علي الموضوع ده يا دلوعه الموضوع جميل فعلا

وعندك حق التفكير قبل النوم له اثار جانبيه كتير

بس المشكله في العقل الباطني مسسسسستحيل تعارفي توقفي علي التفكير

والمشكله ان الواحد يفكر قد كده ومش يوصل لي نتيجه
والحمد لله

وشكرا يا دلوعه علي الموضوع الجميل ده

[SHERIWOLF]

كل سنه وانتى طيبه يا بنت الخليج

[اسير القلوب]

شكرا علي الموضوع بس فعلا انا قبل ما نام بفكر في حاجات كتير وفعلا انا عارفه ان التفكير قبل النوم خطر بس للاسف كل اما احاول امسك نفسي ومفكرش في حاجه بفشل ولو مسكت نفسي فعلا انا هتضايق جداااا

[ملكة الرومنسية]

انا عن نفسى بفتكر كل الحاجات الوحشة اللى حصلت
قليل اوى لما افتكر حاجة حلوة
لان الحاجة الحلوة بتتعمل كتير فالواحد مش بيفتكر
اما الوحشة بتعلم جااااااامد اوووووووووووووووووووووووووووووووووى
لدرجة انى مش ممكن انساها حتى ولو بعد
سنين

[نانيس]

هااااااااااى ميرسى دلوعه لموضوعك بس هو فعلا محدش يقدر ينسى حاجه وحشه صدفت الانسان فى حياته وحتى الانسان دا ممكن يقعد كتير يفكر فيها وخصوصا اما تكون مشكله يعنى انا عن نفسى مقدرش اعمل زى مانتى بتقوللى يعنى مثلا لو اى حاجه وحشه حصلتلى مقدرش انام واقعد افكر فيها مقدرش افكر فى حاجه تانيه خالص ودا طبعا طبيعه فى كل انسان مش بتكلم عن نفسى بس


ميرسى جدا