هل تتزوجنـــــــى؟؟...موضوع هام جدا للشباب والبنات

[Muhamed]

الموضوع ده انا شفته فى احد المنتديات وشدنى لانه فعلا موضوع يفتح باب كبير للنقاش فقلت اجيبهولكم نتناقش فيه


السلام عليكم ورحمه اللـه وبركاته

وأهلا بكم معنا في موضوع حيوي و غريب لكنه يستحق النقاش

فكرة غريبه ..عجيبه .. وتتناقض مع تقاليدنا وعاداتنا ولكنها قابله

للنقاش

- ماذا لو تقدمت لك امرأه وطلبت ان تتزوجك ؟

- ماذا سيكون رد فعلك؟

- هل ستتأمل فيها من كل النواحي حتى ترى إن كانت تناسبك او ربما

هي الفتاه التي تبحث عن صفات كصفاتها او فكر كفكرها ام انها بمجرد

عرض الطلب عليك يجعلك هذا ترفض فكره الارتباط بها ايا ما تملك

من مقومات لنجاح حياة زوجيه ؟؟ هل ترى هذا عرفا ام دينا ؟

- ثم المرأة التي تطلب يد الرجل هل تقبل بالمقابل او ترضى ان تدفع

المهر ؟

كما يفعل هو عندما يطلبها ؟؟

- هل هناك فرق بين ان تقول المراه انا احبك أو تقول أريد الزواج منك

المراه عندما تحب فهي تقرنه بفكره الزواج فهل معنى مصارحتها لك

بحبك أنها تطلب يدك بأسلوب لبق أكثر



ايه رايكم موضوع مثير يستحق النقاش ومنتظر منكم تطرحوا ارائكم

وردودكم بكل بساطه وشفافيه شباب وبنات ورايئ سأقوله فيما بعد

[tota]

بسم الله الرحمن الرحيم

السلام عليكم ورحمة الله وبركاته

فى البداية أشكرك يلمندووووووز على مواضيعك الجميلة اللى بتطلب فيها كمان ردود من الأعضاء وشكراً على مجهوداتك المبذولة فى المنتدى

وربنا يجعله فى ميزان حسناتك

أنا من رأيى أن مش من الصحيح إن المرأة هى التى تعرض نفسها على الرجل للزواج

و


في حديث نبوي شريف (تنكح المرأة لثلاث لمالها وجمالها ودينها فاظفر بذات الدين تربت يداك) ...


فاظفر بذات الدين والدين يعنى أخلاق يعنى أدب يعنى تربية يعنى ذوق يعنى كل شىء جميل وصحيح

لكن لما المرأة تطلب الرجل للزواج

فأين الذوق وأين الأدب وأين برآة المرأة

بس كدة

هو دة الموضوع من وجهة نظرى

أسفة للأطالة فى الحديث

والسلام عليكم ورحمة الله وبركاته

اللهم وفق الجميع لما تحبه وترضاه

اللهم أمين

[Muhamed]

رد ممتاز


زى كل ردودك


بس هيا فى نقطه فى الموضوع كاتب الموضوع وضعها فى الاخر لكن هيا الجوهر


- هل هناك فرق بين ان تقول المراه انا احبك أو تقول أريد الزواج منك

المراه عندما تحب فهي تقرنه بفكره الزواج فهل معنى مصارحتها لك

بحبك أنها تطلب يدك بأسلوب لبق أكثر


الكلام فى ما معناه

ان الفتاه قد تقول للشاب انها تحبه او تلمح له بذلك

فهذا التصرف بالنسبه للبنت المحترمه طلب ضمنى للزواج


لانها تربط الحب بالزواج لان ما غير ذلك يعتبر استعباط وقله ادب كمان

[Tefa]

اولا ان بشكرك جدا على الموضوع دة بس فيه حاجة مش لازم المراة تقول بحبك تبقى عاوزة تتجوزك الزواج دة موضوع تانى خالص وممكن تقول بحبك وتتزوج منك بس بعد كدة يبان حاجة تانية خالص صح والا ؟ بكرة نشوف

[Muhamed]

اولا سيبك من الجزء التانى من ردك يا باشا لانه امر مفروغ منه


نسبه 99.999999999999999% من الحب اللى قبل الزواج بيقتل بعد الزواج


وخصوصا فى مصر (ان لم تكم مصر بس)

او ممكن نقول بعد شهر العسل

ممكن يدبحوا الحب

واللى حبهم جامد اوى هيتدمر
لما يجيلك بيبى صغير
وتبقى الست متشتته بين جوزها وابنها

اما للجزء الاول


فانا كان قصدى الفتيات اللى توتا اتكلمت عنهم اللى هما ذوات الدين (المحترمات يعنى)


غير كده


تقولك مفيش امكانيات للزواج او بابى ومامى مش موافقين وما الى ذلك


مش اسباب مقنعه


لو الحب صح


يتزوجوا وان شاله يموتوا شحاتين

[Tefa]

ههههههههههههههة ممكن بردة

[3aShe2]

انا من رايى ان المراة ال تتقدم وتطلب ايد راجل

فعلا متستحقش حتى ان الراجل يفكر فى انه يفكر فيها كزوجة

ولكن يرفض دون مناقشة حتى لو كانت تمتلك كل المقومات لنجاح الحياة الزوجية

اما بالنسبة للفرق بين ان تقول المراة احبك وان تقول المراة اريد ان اتزوجك

فهناك فرق من وجهة نظرى
فعندما تقول المراة انها تريد ان تتزوجك
فربما نتج هذا عن اسباب مادية او اخرى
وربما ايضا نتج عن صدق عاطفتها

[FREEDOM]

طيب تعملوا اية لو كانت الست دى واقعة على الاخر وعايز تتجوز الراجل دة


وهو مش عايز يتقدملها وهى مصممة تتجوزة ردوا عليا بقى

[عبدالرحمن خالد]

اعتقد انه لازم يقولها و يفهمها انه مش عاوزها سواء بشكل مباشر او عن طرية اي حد

[MohanneD]

سلامو عليكو الموضوع لفت نظرى بشكل كبير

كلنا نتذكر ان السيدة خديجة رضى الله عنها هى اللى طلبت سيدنا محمد للزواج منها.
يبقى مش معنى ان وحدة تتطلب الزواج من واحد انها معندهاش اخلاق .
بس طبعا دا على حسب الشخص نفسه لو بيحب البنت اللى عندها حياء وعزة نفس, اكيد هيبقى صعب
انه يوافق على كده, او ممكن يكون هو زى مبيقولو كده طينه عمره مهينطق ولا يتكلم
عشان كده المبادرة جات من عندها.
لكن انا شايف ان اصبحت هناك جرأة ملحوظة لدى كثير من البنات واصبح الحياء عملة نادرة قلما نجدها .
وعلى فكرة الحياء لدى البنات فعلا بيسرق القلوب, والجرأة المطلقة بتولد نوع من الاشمئزاز لدى الرجال .
وربنا يرزق الجميع بالزيجة الصالحة ان شاء المولى تعالى

[عابدة الرحمن]

السلام عليكم ورحمة الله وبركاته
اولا شكراااااااااااااااااااا جدا على الموضوع الاكثر من رائع
اما رأيى فان الفتاة التى تتقدم تتلفظ بكلمة انا بحبك لاى رجل فانا اعتقد ان الرجل دة اساسا مش هيتقبلها زوجة لية ابدا لان ىما فيش عندها حياء ابدا
(وان لم تستحى فافعل ما شئت ) فهذا اولا واخرا يتوقف على تربية هذة الفتاة وعلى تحكمها فى عواطفها ومشاعرها
واخيرا شكراااااااااااااااااا مرة تانية على موضوعك ولا تحرمنا جديدك
والله الموفق والسلام ختام

[عبدالروؤف]

سوف اعطى راى بكل صراحة هدة الامورلا تحدت معنا نحن المسلمين وادا طلبت الفتات يدالشاب فسوف تفكر كتيرا على هدا العرض الدىسوف تراة غريب جداواحيانا سوفت تضحك على هدا الطلب وسوف تفكر فى هدة الفتات على انها ليست شريفة وانك سوف تبتعد عنها ولكن هدة الامور تعتبر عادية جدا عند الاوروب وسوف يفرح كتيراعلى هدا العرض لئن تفكيرهم ليس متل تفكيرنا نحن لئننا ننضر للمر من ناحية ديننا الاسلامى

[AlSam3r]

اولا الحب هو الحب شئنا ام ابينا
لكن مش لازم عشان مجتمعنا له قيمه وتقاليده اللى بتحكم اى علاقة بين شاب وفتاة اننا نكبت مشاعرنا زى ما البعض بيقول فى ارائه
ومش معتى ان الفتاة تتقدم للشاب لطلب الزواج انها قللت من شانها
زى ما عمدة المنتدى قال ان السيدة خديجه رضى الله عنها اتقدمت للزواج لسيد بنو ادم (ص)(
حسب الشخص اللى بتتقدمله من حيث دينه واخلاقه

[عبدالرحمن م]

- ماذا سيكون رد فعلك؟


هقولها سيبينى أفكر ههههههههه

........

أساساً لا أقبل إنى أتجوز واحدة بالجرأة دى

ده شرط من شروطى الخمسة

[فجر الاسلام]

ايه ده الموضوع ده من سنة 2006 ومشفتهوش وكمان اول واحدة ردت عليه توتا بنت عمى

والله كويس اللى كتب الرد وخلى موضوع حلو زى ده يطلع من ارشيف المنتدى

اولا انا عاوزه اقول انى انا شخصيا استحالة ومن رابع المستحيلات انى اروح اطلب ايد راجل حتى لو طلب الامر انى اعنس

بس بالرغم كده انا ليا راى

أنا من رأيى أن مش من الصحيح إن المرأة هى التى تعرض نفسها على الرجل للزواج

و


في حديث نبوي شريف (تنكح المرأة لثلاث لمالها وجمالها ودينها فاظفر بذات الدين تربت يداك) ...


فاظفر بذات الدين والدين يعنى أخلاق يعنى أدب يعنى تربية يعنى ذوق يعنى كل شىء جميل وصحيح

لكن لما المرأة تطلب الرجل للزواج

فأين الذوق وأين الأدب وأين برآة المرأة



وتسمحيلى يا توتا يا بنت العم اعترض على بعض النقاط فى ردك والردود المشابهه

واختلاف الراى بين ولاد العم ومنتدى تيفا لايفسد للود قضية

انتى يا توتا وبعض الاعضاء قولتوا فين الادب والاخلاق

انا احب اقول رايى فى الموضوع مش معنى اللى تعمل كده انها قليلة الادب ومعندهاش اخلاق دى انسانه قد تكون خافت الفتنة والقيل والقال
وكل رجل لا يستطيع ا ن يعيش بدون ان يكمل نصف دينه وكل امراة كذلك

ومن المعروف ان لو واحدة متجوزتش ومتقدملهاش حد ممكن تصاب بعقد نفسية قد تمتلك المراة كل شىء ولكن بالرغم من ذلك لا تجد رجل يناسبها ويتقدملها

انتو بتقولوا ان دى تبقى انسانه مش محترمة

عاوزه اسالك سؤال انتو عاوزين تساووا بين واحدة عاوزه يكون بجانبها رجل فى اطار شرع ربنا اللى اداه لكل انسان وهو الزواج بكل جوانب ه الشرعية وبين مراة قد تراود رجل عن نفسه وتتطلب منه ان هم يعيشوا حياتهك كازواج ولكن بدون زواج وفى السر

يعنى اعتقد مينفعش نساوى السيدة خديجة زوجة الرسول صلى الله عليه وسلم عندما طلبت من الرسول الكريم ان يتزوجها بامرأة العزيز عندما حاولت تراود سيدنا يوسف عليه السلام عن نفسه

طبعاااااااااا استحالة

او واحدة تعدد تحب فى واحدوتقوله بحبك ويقضوها فسح وكورنيش بواحدة بدل متلف وتدور طلبت شرع ربنا وحلاله انها تتزوج

انا اعتقد ان المراة اللى تطلب الزواج من رجل قد تكون خافت على نفسها من الفتنه وفى نفس الوقت مش عاوزه تعمل حاجة تغضب ربنا
ازاى بقه نقول ان واحدة طلبت شرع ربنا انها مش محترمة

ارائكم من وجهه نظرى بيحكمها النظرة من ناحية العادات والتقاليد وثقافة المجتمع اكثر من النظرة الدينية

وطبعا العادات و التقاليد لابد ان تحترم

بس برضو انا عاوزه الفت نظركم ان احيانا فى حاجات الدين بيقبلها لكن العادات والتقاليد والثقافة بترفضها

بالظبط زى تعدد الزوجات كتييييييييير اوى بيرفضها حتى لو تحققت الشروط بمعنى لو واحدة مش بتخلف وجوزها نفسه فى ولد هيروح يتجوز عليها وده حق اعطاه ربنا للرجل بنلاقي كتير اوى يطلبوا الطلاق ارحم ميكون فى زوجة ثانية

والحمد لله اعلامنا ومسلسلاتنا قايم بالواجب ان هو دائما بيصور ذلك بان الرجل هذا خائن وندل

لو المثال ده مش عاجبكم فى مثال اخر بشىء يقبله الدين ولكن العادات والتقاليد والثقافة

ان الست لما تتجوز تكون العصمة بين يديها دى بقه المجتمع اعتقد بيرفضها جاااااامد جدا

والعصمة فى يد الست معناها انها من حقها تطلق نفسها
الاعالام والمسلسلات الحقيقة قايمين بالواجب عشان دايما بيصوروا ان الست تقول للراجل روح يا حبيبى انت طالق بالتلاته

هى المراة بطلق نفسها
يعنى بتقول انا طلقت نفسى مش طلقتك يا حبيبى

موضوع العصمة وتعدد الزوجات حتى لو فى اطار الشروط اللى بتدعى لها التعدد ده من الامور التى يقبلها الدين ولكن المجتمع بيرفضها


كذلك لما المرأة بتطلب الرجل للزواج فهى من الامور التى يرفضها المجتمع وقد يقبلها الدين

بس على فكرة الموضوع ده بيحصل فى حالات نادرة جدا

بصوا انا استحالة انى اطلب رجل للزواج لكن لو واحدة عملت كده مش هبصلها على انها مش محترمة

او مش مؤدبة

لانها عملت حاجة ربنا ادلها الحق انها تعملوا ولتسقط العادات والتقاليد اللى بتجرم حاجة شرعها الله للانسان

[The_boss22]

جزاك الله كل خير يا مندوز موضوع يستحق النقاش

اؤيد رأين مع احترامي لبقيه الأراء
رأي مهند ورأي فجر


ارائكم من وجهه نظرى بيحكمها النظرة من ناحية العادات والتقاليد وثقافة المجتمع

بالظبط كده عادات المجتمع والتقاليد تحكم ان مينفعش ..


ومش معني انها تطلب الزواج ده عيب لا دي ممكن ايوا بتحافظ علي نفسها .. ودي بتتوقف علي الشخصيه نفسها
مهوا ممكن واحده عايزا تجرب وتمشي وخلاص ومتقولش حاجه ده يبقي ايه !! وهوا يقوللك مشت معايا مش هتجوزها ( شغل عيال بقي )

بصراحه انا لو بحب واحده وقالت عايزا اتجوزك وانا جاهز بكل شئ ( هروح من اوسع باب واتقدم ) لأن الحمد لله مش هروح احب اي واحده طبعا . انما لو اي واحده كده ماشي بالشارع وقفتني وووااد يا اتش عايزا اتجوزك هقولها متيجي نشحت سوا احسن :D

وطبعا مفيش واحده عندها كرامه وكده مهما حصل هتقدر تطلب في ظل العادات والتقاليد

وشكرا والبتوفيق لكل الشباب والبنات :D