المساعد الشخصي الرقمي

مشاهدة النسخة كاملة : يا مصرى ليه دنياك لخابيط

MohanneD
2008-05-02, 04:57 PM
يامصرى ليه دنياك لخابيط
كتبها سيد حجاب و لحنها ووزعها ياسر عبد الرحمن, بصوت المبدع على الحجار
رابط الاغنية على يوتيوب : الرابط لايظهر فى الأرشيف




يا مصرى ليه دنياك لخابيط...والغلب محيط


والعنكبوت عشش عل الحيط...وسرح عل الغيط


...................


يا مصرى قوم...هش الوطاويط...كفاياك تبليط


صعبه الحياه والحل بسيط...حبة تخطيط


........................


فتحت باب إستيرادك وصرفت فوق ضعف إيرادك


حلى للخواجه إستكرادك...سابك بتقرا فى أورادك


وده أشطك ونزل تشفيط

...................


يا مصرى ليه دنياك لخابيط...والغلب محيط


والعنكبوت عشش عل الحيط...وسرح عل الغيط


...................


ومهولاتى تحب تزيط...ساعة الفرح زغاريط تنطيط


وفى المياتم هات يا صويت..وفى المظاهره تسخن تشيط

وفى الانتخاب تنسى التصويت


...................


يا مصرى ليه دنياك لخابيط...والغلب محيط

والعنكبوت عشش عل الحيط...وسرح عل الغيط


.....................


وليه بترشى وتتساهل.. وتبيع حقوقك بالساهل


تستاهل النار تستاهل..ياغويط ويحسبك الجاهل


ساهل وساهى وغبى وعبيط


..................


يا مصرى ليه دنياك لخابيط...والغلب محيط


والعنكبوت عشش عل الحيط...وسرح عل الغيط


.....................


يا مصرى يا اللى الغلا عصرك.. والنهب فى عصرك حاصدك


قوم للحياه وأسبق عصرك..ولا حاجه هاترجع مصرك


إلا أن تكون شغال ونشيط


......................


يا مصرى ليه دنياك لخابيط...والغلب محيط


والعنكبوت عشش عل الحيط...وسرح عل الغيط

......................


يا مصرى قوم...هش الوطاويط...كفاياك تبليط


صعبه الحياه والحل بسيط...حبة تخطيط



أغنية جميلة أوى يا جماعة بتحكى واقع إحنا فعلا عايشينه ولمسينه فى حياتنا
WebCraker
2008-05-02, 08:14 PM
الف شكر يا بشمهندس والله , ,

جزاك الله خيرا على مشاركتها
MohanneD
2008-05-02, 08:55 PM
مش مستنى شكر يا محمد
عشان مش انا اللى عامل الأغنية
الأغنية فعلا مسابتش حاجة بس على فكرة تنفع بردو يا عربى بدل يا مصرى
بس على كل حال ميرسى :p

.
كده تمام أوى
2008-05-02, 09:45 PM
كلمات فعلا بتعبر عن واقع احنا عايشينه
شكرا ياباشا على تقديم كل ماهو جديد لنا
والحاجات المخفيه اللى ورا الاحداث دى
اللى مبنشوفهاش لأن بطبعنا بنحب اللى بيمجد فينا ويقول مبروك لمصر
ومبنحبش حد يقولنا انتوا متخلفين ولا هارد لك

إضافة زوغيرة
مصر ضمن 60 دولة فاشلة

الرابط لايظهر فى الأرشيف
SIMO
2008-05-02, 10:57 PM
مش عارف ليه دايما بنصغر بلدنا حتي لو مصر مش حلوه كفايه ناسها الطيبين

لو حبينا بلدنا والله كل حاجه هتتغير بس هو فعلا واقع

احنا اللي نغير الواقع ده مش الواقع اللي يغيرنا
MohanneD
2008-05-03, 01:04 AM
Simo ازيك
مش عارف حاسس كده انك أمجد المهدى
هى بلدنا بنحبها وكل حاجة بس انت هتلعن كمان حبه
وبعدين ناسها الطيبين دول هما صحابك وقرايبك
القرى المصرية بطبعها ناسها طيبين, اطلع بره شوية بقى واتفرج :)
لو حد قالك هطلعك من الجيش وهات 50 جنيه هتديله 100
هههه اطلع من دول بقى

يعنى بص هو فعلا التغيير هييجى مننا إحنا
لما انا وانت وهو وهى نبطل نرشى وناخد ايتاوة
المهم كل واحد يبدأ بنفسه, ومن رأى منكم منكر فليغيره
على الأقل ارفضه بقلبك, ولا إيه؟


.
SIMO
2008-05-03, 02:01 PM
اولا يا باشا انا مش امجد

بس انا بقصد الكلام اللي بنقوله

وع العموم شكرا ليك

وصدقني مش فارقه قريه

من منتجع ولا حتي الساحل

كله زي بعضه

صدقني انت اللي بتغير نفسك مش

الكلام اللي بنقوله ع بلدنا هو اللي يغيرنا
MohanneD
2008-05-03, 11:49 PM
simo حبيبى
عرفتكككك اصل لقيت ابراهيم سعيد قلت اكيد امجد
انت حامد, ماهو دا اللى بنقول عليه
التغيير بييجى من جواك مش من حد تانى
ومعلش يا أمجد اتكلمنا عليك شوية
مفضوح دايما انت وابراهيم سعيد


.
SIMO
2008-05-03, 11:57 PM
ايوه يا ريس انا حامد .

.بص لو دورت ف العالم كله

مش هتلاقي اتنين بيحبو ابراهيم سعيد زيي انا وامجد

وع العموم انا تشرفت بيك يا باشا بس انا حاسس انك مهند

وشكرا لموضوعك وكلامك الجميل
WebCraker
2008-05-04, 05:37 PM
مفضوح دايما انت وابراهيم سعيد

انا شامم ريحة علاقة :bm:
SIMO
2008-05-05, 03:30 AM
هههههههههههههههههههه

علاقه ...... والله يا ويب ابراهيم سعيد ده فنان

وطيب اوي وغلبان جدا بس الزمن اللي عمل فيه كده